[المشتاقه لخالقها]

المشاركة الأصلية كتبت بواسطة خالد9921 وعليكم السلام ورحمة الله وبركاته الموضوع جميل للغاية مُعاصر وجريء ,,,, المصيبة ليست في التدخين بذاته كتدخين المصيبة إن الوقوع في الأخطاء وتراكمها يجبل الإنسان على تقديم التنازلات وارتكاب الكثير من الأخطاء الأكبر من الأخطاء الأوليّة حقيقة والله أقول هالكلام عن تجربة ومشاهدة عميقة خاصةً بمجال التدخين ما بالك لو كانت بنت ؟ ومعروف إن الإناث نفسيتهم وصمودهم أضعف بكثير من الرجال والفتاة المدخّنة ولا ودّي أعمم عرضة أكثر للإنحراف من غيرها لأنّها مين بتصاحب يعني وهي تدخّن وخويّتها تدخن ؟ بتصاحب شيخة حلقة التحفيظ مثلاً ؟ أكيد إنّها صديقة مثلها بأفضل الحالات مدخّنة فقط ,, هذا إن ما كانت واقعة في بلاوي أكبر وحقيقةً والله وللمرة الثانية ولا أحد يعتقد إنّي أعمّم لكن من مشاهداتي والكلام اللي يجيني من أصدقاء ثقات ما أخبر إنسانة - شابّة - تدخّن أو مدمنة كوفيهات معسلات إلاّ وكانت واقعة بعنف بوحل العلاقات أو عالأقل من السهووولة إيقاعها بعلاقة إن صارعت بقوّة إنّها تبعد نفسها عن هالطريق مثل ما قلت بأوّل كلامي نظرية تقديم التنازلات حين الثقة التامّة للشخص بوقوعه بأخطاء أيضاً من بلاوي التدخين للبنت إنّه عرضة لتقديم تنازلات بهالمجالات كما الشاب أيضاً والوقوع في مصائب وبلاوي أكبر من التدخين خلال وقت وجيز وبكل إرادة وإختيار من الفتاة كمثال راس المعسّل هذا , لو كان العامل حق الكوفي ابن حرام وشاف بنت صيدة في شكلها وهيئتها وش يمنعه يحط قطعة حشيش براس المعسل ؟ ما راح تكتشف البنت ولا شي وبتلقاها ممخمخة مع الراس وضحك وانبساط وآخر حلاوة ثم بعد فترة تكتشف إن راس هالمحل جوّه وكيفه أفضل بكثير من المحلات الثانية فـ تلقاها تتردّد عليه ثم تحاول تعرف السبب إن معسل هالمحل هو معسل ممتاز أكثر من غيره وبسبب ادمانها وتعلّقها بالراس اللي فيه حشيش من السهولة وقتها الشخص يقولها يا شيخة خذي هالقطعة هي أساس الفلة والانبساط اللي تحسّي فيه ثم تتعاطى الحشيش بسهولة واقتناع تام أنا والله ما أبالغ ,, ورب الكعبة هذا الشي شفته وسمعت عنه كثير أحد أصدقائي قبل فترة كان واقع بعلاقة مع فناة وكانت هذه تعسّل مع قريباتها ثم اكتشف بعد فترة اكتشف ان هالفتاة وقريباتها يقابلوا شاب ابن حرام في كوفي وهالشاب صار يحط لهم حشيش في المعسل وغيره - لاحظوا تقديم التنازلات - فـ جاء صديقي يستنجد فيني يبي ينقذهم لوجه الله مب هاين عليه هالمسكينات الغبيّات خاصة إنّهم من عوائل معروفة ويخدعوا أهاليهم .. وأولياء امورهم اللي ضابط كبير واللي واللي يعني شوفوا شلون هالمصيبة وهالكارثة والفضيحة !! الله يستر علينا وعلى حريمنا بس بعدين والله دمار للصحّة بشكل فضيع أنا ما قلت هالكلام اللي فوق من فراغ أنا مجرّب وشايف بعين أمّي ذي < فهد الغشيان ههههههههه تقريباً 7 سنوات وأنا أدخّن و و .. ولله الفضل والمنّة ولله الفضل والمنّّة ربنا تاب علينا قبل فترة وكرهت أبوه كرهه العمى ولا يمكن أرجع له والله يا كانت صحتي مهدوووودة ومزاجي ما يستقيم إلاّ بسيقارة أعوذ بالله وما تدرون شكثر فرحت لمّا صاحبي اللي خرّيج بالطب كشف على قلبي ورئتي قبل شهور ولقاها سليمة الحمدلله كلّها ولا فيها أمراض والنبض والتنفس سليم ككل .. طرت من الفرح !! بلاويه متعبة بالحيل ما بالنا بصحّة الأنثى وحساسية جسمها ,, رغم ذلك ورغم كل هالسنين اللي دخّنت فيها الحمدلله ولا مرّة ارتكبت الغلط قدّام أهلي أو في بيتنا النظيف ولا مرّة من أحد من أهلي أو أبوي أو أخواني شاف باكيت دخّان معايه لدرجة كانوا مستغربين ليش فيه سوّاد بفمّي أيام التدخين وانت ما تدخّن يا خالد .. الله يسامحني فأنا ما أدري كيف بعض الشباب يملك هالجرأة إنّه يوصّخ بيت أهله النظيفين ويتجرأ قدامهم !! غالباً يكون الولد عقله صغير وخبل ماخذها هياط وفرد عضلات يالله لا بليتنا أو فيه أحد بالبيت يساعده مثل الأب مدخن أو أخو كبير عنيد وعاصي ويدخّن قدّام أهله والحقيقة استعجبت وانصدمت من هالولد اللي ذكر قصته أخونا عمّوري مع كامل إحترامي له ياخي الواحد العاقل الذكي ما يتجرأ يورّي أهله باكيت دخان لأجل ما يصير الأمر عندهم طبيعي وينحرفون هذا يدخّنون سوا هو وأخته !! يا عيني خوش والله خوش أخو بصراحة الله يهديه بس ويصلحه ,, بهالطريقة يعلّم أخته التهاون وتقديم التنازلات بسهولة لأنّها كل ما جات تنحرف بتتذكّر أخوها والتدخين سوا بتقول بنفسها وايش يعني اخرب شوي ؟ أهوو أخويه يخرب معي ويدخّن معي الأمر عادي !! الله يهديهم ويصلحهم , انصحه أخوي عمّوري لا تسكت وأكسب أجر (: عالأقل حتّى لو يبي يدخّن يمثل انو قطع ويدخّن برا البيت ولا يخلي أخته تدخّن زبدة الكلام أنا أشوف إن التدخين كارثة عالجنسين , لكن الكارثة الأكبر والأعظم عالفتاة والكلام اللي فوق مب مثالية أو من فراغ لا والله تجارب ومشاهدات شفتها بأم عيني حقيقي البنت اللي تدخّن ممكن تروح فيها بأي لحظة لأنّها دخلت طريق غالباً مافيه إلا المنحرفات أو الفالتات والمتهاونات - قل لي صديقك أقل لك من أنت - واسأل الله إنّه يهدي جميع البنات والشباب المدخّنين ويفكّهم من هالسم الهاري حرام والله الواحد بعزّ شبابه أو بعز شبابها , ولسّه وراه زواج وحياة وغير كذا صحتك ياخي أنا ما بطلت إلاّ لين شفت مواقف مؤثرة والخوف على نفسي وصحتي أيضاً من المواقف المؤثرة شاب يدرس بالهندسة الكهربائية ,, عنده القلب من الدخان والله يا حرام أصغر منّي عمره 23 ومجتهد وشاطر ما ينقصه شي بمستقبله الدراسي والعملي بس شوفوا شلون مصيبة الدخّان سببت له مرض يعيقه عن نشاطات ومجهودات كثير ربنا يشفيه ويرفع عنه اللهم آمين فالواحد يلحّق على صحته أفضل يكفي يعني البيبسي والفاست فود والمكيفات إذا شيباننا اللي تربّوا على حليب البل والسمن والعسل .. صاروا يبنشرو عالستين والخمسين احنا بهالبلاوي متى راح نبنشر ؟ أكيد بعمر أصغر :/ لأن الأمر بالنسبة لي رجولة وغيرة , أبقى خيخة إمّعة لو زوجتي تدخّن ! والأهم من ذلك الأمر بالنسبة لي خوف عليها لو فعلاً أحبّها وحرص على بيتي إنّه يكون بيت نظيف صالح طاهر يعني بالله لو زوجتي تدخّن وانا مستانس يا عيني عليّه وش بيطلعوا عيالنا ؟ صلاح الدين مثلاً وعقبة بن نافع ؟ أكيد بينحرفون وبيصيعون طالما البذرة والأساس كذا بتلقى الولد عمره 10 سنين و صار بوب مارلي دكتوراه بالحشيش والسقاير لكن أنا أبي بيتي نظيف بسبب زوجة نظيف ويخرّج عيالي نظيفين وناجحين لذلك راح أمشي على نهج أبوي اللي لا يمكن أحد من عياله يستجرأ ويشبّها قدّامه ولا يمكن اسمح لمخلوق في بيتي يدمّر نفسه والبيت ويشبّ السيقارة قدّامنا (: شكراً يالمشتاقة أبدعتي كثير بالطرح

حياك الله استاذي الفاضل

ماشاء الله عليك

كلااااااااااااامك فالصمييييييييييييم

وجبتها على الوتر الحساس طال عمرك

ماعليك زود

مشكووووووور والله يعطيك العافيه

على التفصيل وتبيين حالة المدخنات وش يكونون


اصلاً مستحيييييل بنت يكون فكرها نظيف وتفكر بعقل تسوي هالشئ

جزاك الله خيراً وبارك الله فيك

مشاركه مبدعه ماشاء الله عليك

وبالله التووووووفيق :)