[قاهر الاحزان]

انا نسبتي اعلى من تصاميم البيئه الى هيا 79.18

واليوم رحت لهم وطمني الموظف وقال باذن الله يحولوك

لكن في لجنه راح تتشكل هي اللي راح تشوف التحويلات والكلام هذا

بس ما ادري متى راح تتشكل ,يقولون يمكن برمضان زي كذا

المهم , هذا بخصوص الناس اللي نسبهم اعلى من الكليه اللي يبغوا يحولوا لها

اما بخصوص الناس اللي نسبتهم قريبة مرة من التخصص وما انقبلوا , قلي مرررررررة مافي امل !! انا ولد خالتي جايب 82.22 , ونسبة الهندسه 82.24 !!!!! يعني اجزاء بسيطة جدا جدا والمفروض يتجاوزوا له فيها وما رضيوا يتجاوزوا !!

معليش لا تقولوا اني احطم ومن دا الكلام , انا باقولكم عشان لا تعلقوا آمالكم فالتحويل والكلام دا !! , اللي عندو واسطه ويقدر يحول يسويها , لانو لو قعدت تستنى التحويل بالنظام ما اعتقد انو حيجيك !

وبالنسبة للطلاب اللي يبغوا يحولوا لكلية (غير طبيه) ترى تقدروا تحولوا بعد الترم الاول , يعني للطلاب اللي يبغوا يحولوا هندسه او حاسبات , شدوا حيلكم فأول ترم وجيبوا درجات عاااااااااااليه قد ما تقدروا , وباذن الله حتقدروا تحولوا للكلية اللي تبغوها !

الكليات الطبيه طبعا تحويلها يكون سنه

هذا كل اللي عندي من معلومات , اللي عنده اساله يتفضل