رد: اللي راحوا الجامعه اليوم يدخلوا يفيدونا .. أنا حأبدأ ..
اليوم رحت من الساعه 8 ..
قالوا فيه اجتماع انتظروا للساعه 11
انتظرت دورت مرشدتي مالقيت رقمي .. رحت لاستاذه انيسه
قالت دوري الارقام اللي قريبه من رقمك وادخلي عند المشرفه وقوليلها انا عندك
ومن ذا الكلام ..
طلعت مشرفتي ريم صقر :)
قلت انوا ماعندي جدول وابغى اضيف .. سوت لي اوراقي ..
كنت اسألها ايش تدرس شعب وليش مانزلوا الاسماء
قالت ماراح اقول لانه حرام انا يكون عندي فـ 70 طالبه وغيري 43
ومطلوب مني اصحح الاوراق حقت الاختبار فـ 48 ساعه :(
قلت طيب يا استاذه من ابسط حقوقنا انو نختار استاذتنا .. وانتي ماشاء الله كويسه
وكثير يبغوا ياخذو عندك .. قالت بس جامعه حكوميه والاف الطالبات
لازم تتنازلي عن شوويه من حقووقك :(
الله يعين
دحين دخلت النظام اضافت لي المواد الا المحاسبه لسى ..
|