[мαѕooяy]

آخ محمد ، موضوعك ممتاز
وماشاء الله ، خوفك عليهـآ وآضح ،
بس الخوف على الأهل ، مآيعني إني أحرمهم الثقة ،
إحنا طالبات جامعة ومن واقع المجتمع اللي متكلم عنه في الموضوع ،
جامعتنا مايخفيك فيهـآ نآس ومواضيع من اللي سمعت عنها وألعن
لكن هالشيء مآيبآن الا اللي يدور عليه ويباه ، حيلقاه في وجهه
لكن والله العظيم اللي محترمة ، واللي عقلها فعلا ًبدراسة وبجامعة وبتكوين
علاقات محترمة ، وصداقة محترمة
والله ولآ كأنه هالأشياء قدامها ،
فعلا
قبل الجامعة ، طبعا سمعت ألوان أشكال عن جامعة عزوز
ونآس مادخلوآ الجامعة يتكلموآ عن قصص غريبة ،
والله حتى صحباتي يوصوني لاتسوي ولا تعملي
ولاتمشي مع أشكال زي كدا وكدا
لكن لمآ دخلتها ،
لاصارلي شيء ولا واجهت احد
أصلا والله مافي وقت نفكر بهالأشكال
اللي تروح الجامعة لهدف معين ، مارح تلتف لأشياء بايخة زي كدا
أوك انا عارفة انها موجودة
وكثير ممكن وانت مآشي تيجي بويات واشكال زي كدا
بس بجد ولا كأنها هنا اصلا التفكير مرآ مآيجي عليهم ،
غير كذا هما مآيؤذوا احد ماقرب منهم
هما كمان يعرفوا البنات اللي يبغوا الطريق الغلط ويروحلهم
والبنات اللي مآيبغو الطريق هذا والله ماحد يقرب منه
مرآآ لاتخاف ولا تقلق عليها
اذا واثق منها ، وعارف انها رايحة لهدف التعلم
أو لهدف تكوين صداقات محترمة
خلاص سيبهآ ،
وبالنسبة للجوالات انا معآي جوال تقريبا من سآدس آبتدائي هع ،
الجوال زي اللاب زي الشنطة زي أي شيء خاص فيك وتقدر تتحكم فيه
ازعاجات مازعاجات ، صدقني مابتجيلك اذا انت مادورت عليها
اذا صديتها ولا عمرها تيجي ولا شيء
و المزاج يعيش مرتاح ،
من جد ليش الخوف من الجوالات
مكالمة غريبة خليهـآ ماترد ،ـ الا اذا ارسل انه احد يعرفها
او ترد وتسمع الصوت كان رجال تقفل
يعني في طرق كثيرة الواحد يحمي نفسه منها
الله يحميهـآ
ويحمي جميع بنآت المسلمين