[asma'a]

اختي IRe انا مع الكلام اللي قالتوو مسوري والأخ عبدالعزيز :)..

بس ترى فيه بنات حددو ميولهم من الحوسبة والبرمجة :$ ..

لأن قالو البرمجة اساس السي اس وحتتعمقوو فيها اكثر واكثر ..

والحوسبة فيها معلومات عن الاشياء اللي بيدرسووها الآي تي وكذا .. وسمعت انو كل شابتر في الحوسبة يدرسووه ع انو مادة بحالها في القسم :) ..

لكن النظم هوا اللي مافي شيء بيندرس اول ترم .. لكن اذا ميول الشخص اداري حيناسبوو ^^..

وبالنسبة لسؤالك عبدالعزيز .. عادي تقدرر تدررس أول بأول .. لو عملتوو قروب في الجامعة انتا وكذا واحد ..

صدقني حتقدرر بس اهم شيء اللي معاك يُكونو متحمسين ^^..

أنا أيام المدرسة عمري ماذاكرت اول بأول غير لما ماما كانت تدرسني في المدرسة :P ..

لكن في الجامعة الترم الثاني في التحضيري والترم الثاني من علاج طبيعي كنت ادرس اول بأول ^^..

لأن القروب اللي معايا كان متحمس ماشاء الله تبارك الله .. وكنا بندرس وبنراجع سوى ^^..

لكن بعد تحويلي للحاسب للحين ماذاكرت اول بأول :P ..

بس ان شاء الله ناوية ع السنة الجاية وماحخلي احد يحبطني :P ... وعشان فيه تحدي بيني وبين أحد الأشخاص فلازم اتغلب ع نفسي واكون قد التحدي ان شاء الله :P ..

بالتوفيق ليكم كلكم :)..

دمتم بخير ..