[Pr!ncess]

المشاركة الأصلية كتبت بواسطة دافئ الإحساس السلام عليكم ورحمة الله وبركاته ترجمة الجهاز : الترشح الدقيق أحتآج آلية عمل الجهآز اللي يقدر يوضحلي آلية الجهاز بالتفصيل آككون له من الشاكرين ومافي مشكلة لو تعطوني صور عن الجهآز دآ ونآوي بإذن الله أرفقلهم بالبو بوينت فيديو بسيط عندي بريزينتيشن يوم الاحد احتاج مساعدتكم منتظر الردود المفيدة ^_^

المشاركة الأصلية كتبت بواسطة دافئ الإحساس هادا مقطع عجبني بس للاسف مني فاهمو قدي كده لاني ضعيف نوعا ما بالانجليزي فاللي لغتو طيبة .. ياريت يوضحلي بالتفصيل المقطع دا

{ وعليكم السلام
أول شيء الـ Microfiltration هذي اسم تقنية مو اسم جهاز
ثاني شيء الفيديو اللي حطيتو يشرح تقنية الـ Reverse Osmosis
واسم الجهاز اللي يشرحو هوا Sea water Reverse Osmosis أو زي ما اختصروها بالشرح SWRO

~

الـ Microfitration زي ما قولت طريقة فصل تستخدم للسوائل والغازات
وهي وحده من أصل 4 طرق تانيه , إذن طرق الفصل هي :

Microfiltration
Ultrafiltration
Nanofiltration
Reverse Osmosis

كلهم مبدأهم واحد لكن طريقة الفصل تختلف
مثلا شيء يعتمد على الضغط وشيء يعتمد على حجم المواد المذابه وشيء على الشحنات ... إلخ
الـ Microfiltration تقريبا أبسط طرق الفصل لأنها ما بتفصل كويس يعني ما بتعطيك Pure Solvent
بيستخدموها كـ خطوة أولى في تنقية مياه البحر المالحه لمياه محلاه ( أو أي شيء )
وبعدها بيسخدموا كذا طريقة فصل , وممكن مصانع التحليه تستخدم الـ 4 طرق مع بعض
أفضل طريقة فصل هي الـ Reverse Osmosis
لأنها هي الوحيده اللي بتفصل لك Pure Solvent
باقي الطرق تعطيك Contamination بدرجات مختلفه


~


نجي لـ تعريف مبسط لكل طريقه عشان بس أوضح الفرق
Microfiltration والـ Ultrafiltration لهم نفس الفكره تقريبا بس الاختلاف في حجم الـ Pores
يعني الـ Micro تفصل أحجام أكبر شوي من الـ Ultra, ومعناه الـ Ultra تنقي أكتر من الـ Micro
والطريقتين ما بـ نأثر عليهما بأي ضغوطات خارجيه
أما الـ Nano والـ Reverse برضو زي بعض , لكن الطريقتين بنستخدم تأثير خارجي كـ ضغط مثلا
الاختلاف بـ حجم الـ Pores , الـ Reverse تفصل أحسن من الـ Nano
كدا تنستنج من كلامي لو فهمت علي إن أفضل طريقة فصل وتعطيك Purity تمام هيا الـ Reverse Osmosis


~


شوف أخوي هذي صور تكفي وتوفي

اولا : MicroFiltration - MF

تسمح بـ مرور المويه والأيونات وبعض الفيروسات لكن ما تمر البكتريا والمواد والزيوت المعلقه
فـ عشان كدا قلت لك إن الـ Microfiltration يستخدموها كـ فصل أولي أو ممكن كـ مرحلة نهائيه عشان يأكدوا على نفسهم إن المويه عندهم Pure تماما






~


ثانيا : Ultrafiltration - UF

الفرق بينها وبين الـ Microfiltration إنها ما تسمح بـ مرور الفيروس





~



ثالثا : Nanofiltration

الفرق بينها وبين اللي قبلها ما تسمح بـ مرور بعض الأيونات اللي تكافؤها أكتر من واحد , زي مثلا Ca++ <- تكافؤه = 2





~


رابعا : Reverse Osmosis

بس تسمح بـ مرور المويه , وهي الأفضل
وحاليا هي الأكتر استخداما وانتشارا في المصانع




~


وإذا حاب تستزيد , شوف الموقع هذا مرة مفيد Here
مرة حلو و واضح شرحو ومفصل, وبالقوائم اللي على جنب حاط أشياء عن المصانع وفيه صور الاجهزة اللي تعتمد على هذي الطرق .. إلخ
وبس , قرأت ومن اللي فهمت كتبت , موفق أخوي