[Lujain :)]

الاحصاء و الله سهلة و البنات درجاتهم مررة عالية و انا خسرت درجات في اشياء هبلة و سخيفة مررة انا درست عند سماح سندي شرحها حلو و افهم معاها بس لمن ارجع البيت اراجع المحاضرات و اذاكرها و احس انو شي جديد ما كانو انشرح اليوم عشان كدا جبت ملخصات الملخصات اشرف بركات مرررة حلو انا جربت السعدي ما عجبني انتي جربي الاتنين و اللي ترتاحي له خدي للدوري التاني الدكاترة الكويسين ما اعرف و لا احد بس استاذة شفياء الحضيرة هيا منسقة المادة و كانت تمشي مع البنات حبة حبة و تأشر معاهم و تحل تمرين عشان التطبيق اما نحنا سماح ما كانت كدا انا حضرت معاها اول كلاس بس الكيمياء مادة سهلة و روعة بس طويلة يعني لازم تمسكيها اول بأول و اسئلة الاختبار مو بس سهلة و مباشرة و كل حاجة يعني مررة خسارة لو ما اخدتي فيها a+ و كل قسم الكيميا طيبين و حبوبين انا درست عند نها وزان مررة كويس شرحها الاستاذات الكويسات ليلى الحربي منسقة المادة و استاذتي دول اللي اعرفهم بس و سمعت البنات يقولوا عائشة قنش كويسة منسقة المادة ليلى الحربي الاحياء المذاكرة من السلايدات طبعا السلايدات كل عرض في تقريبا 100 سلايد و فوق انا كنت ادرس عن نفين طه الله لا يجعلكم عندها حرام هيا تشرح من قلب بس انا ما افهم منها شي بالنسبة للتحضير عندها مررة مهم بس انتي متى ما تبي تدخلي عادي ما يهمها ان شاء الله لو تجلسي ربع ساعة عادي تحسبك تحضير . الاستاذات الكويسات حنان الشاذلي روعة شرحها منسقة المادة سالينا بس انا من الحين اقول لكم عمركم ما حتلاقوها في مكتبها ارتاحوا و انا كنت احضر احياء كل يوم السبت و الاثنين و الاربعاء عشان التحضير و الاحد و التلوت مع حنان عشان افهم و ابدا ما ندمت اني حضرت الاحياء يوميا صح انو تعبت بس بعدها استفدت و لو ما سويت كدا ما كان جبت دي الدرجة ابدا <<< اللي يسمعني يقول الدرجة عالية و نصيحة لا تصدقوا اللي يقولوا لكم مادة حفظ و لا تحضروا و اسحبوا و معرف ايش ترا مررة مهم الحضور تفهمي السلايدات تتكلم عن ايش تسمعي الكلمات عشان شوي ترسخ في بالك بس باختصار قسم الاحياء ما يسوي و لا شي و لا لو فايدة لانو قسم الاولاد يتحكموا في كل شي دا الكلام من تجربتي الخاصة لا احد يتقيد فيي و بعدين يقول انتي السبب في فشلي اول شي شوفي استاذتك اذا ما فهمتي معاها حولي لانو الناس يختلفوا في فهمهم و سلامتكم

يعطيكِ العآفية يآآرب
و الله يجزآكِ كل خير "
آنبسطت بشوفة تجربتكك ..
وإن شآء الله الكل يستفيد منهآ (f)"