منتديات سكاو - عرض مشاركة واحدة - «--[\ ꜞꜝꜜӎ ..ۺـَξـَوذاتْ تَتَرـآقَصْ ξـلى ضِفَـآفْ ـآيامَـِـِـِـے •●

мαѕooяy · 23-07-2012, 04:16 AM

في شي يقهرني حبتين ،
يعني مو علشاني حبيبة الكمبيوتر و من يومي وانا وياه اخوان
معناها اصير انا الخبيرة في كل شي
يعني يجيني عمي شوفي ليش الجوال فيه كدا كدا
يجي التاني انا ماعرفت احمل كدا كدا
تيجي غيرهم انا في برنامج الفلاني ثبتيلي هو
طيب الالعن انو صلحي التلفزيون والقنوات o_O
طيب انا ايش علاقتي فيهم

واللي يغث الواحد ، انوا لو ماعرف تصير كارثة
كيففففففف ماتعرفي وانتى خبيرة وانتى تقولي شاطرة
وانتى وانتى o_O
ياللهي :-[

اذكر وانا صغيرة ما يخرب دش خخخ ولا رسيفر ولا فيديو < الله يرحم ايامه
لا بجد الا افك الاجهزة واصلح واشد هدا وافك هدا
حتى الكمبيوترات والله عشت معارك معاهم لمن قلت بس
اسلاك وقطع وكان بابا يشتري القطعة ونجلس نركبها مع بعض
ايامممم
الكمبيوتر يمكن علشان بابا مهندس كمبيوتر علقني فيه بشدة
ليل نهار عليه من صغري مرا مرا
24/24
والحمدلله حياتي ومستقبلي معاه
بس مو.معاناها اني افهم في كل.حاجة ياهو :-[
لما احد يسلمني شي وانا عادي فيه اضل على اعصابي لمن اسوي الشغلة
بس من كرهي اسمع الكلمة
انتى اللي مسوية نفسك خبيرة o_O

ياخي #افهم محلات التصليح بالهبل بالشوارع هع

بيني وبينكم ، ، متعة لاتوصف في فك الاجهزة
كم مرا نفسي اتهور وافك لابي ولاب اختي بس ماما مافي يعني مافي
مو عارفة فقدت الامل فيني بعد ماكبرت والا ايه ياقدعان هع هع
بس ان شاء الله ناوية عليه ناوية عليه مافي مجال

#فضفضة تايم