رد: ْ ~ طـآلبـآت فقط ~ | تبادل , بيع / كتب , ملخصات | ~ ْ
السلام عليكم ورحمة الله وبركاته
حبيباتي أول شيء كل سنة وأنتو طيبين بمناسبة رمضان ،، تانيا مبارك عليكم القبول في جامعة المؤسس و إن شاء الله تكون سنة خير و نجاح و تفوق لكم جميعا
عاد لا أوصيكم شدوا حيلكم و أنسوا اللعب دحين سنة جديدة عليكم و أنظمة جديدة عليكم ،،و بنات دفعتي دفعة 12 ما قصروا و كتبولكم مواصيغ تفتح النفس على الدراسة وقلنالكم أسرارررر التفوق و النجاح
التحضيري سنة تحدي و تناااافس شدوا حيلكم جدا عشأن توصلوا لأهدافكم ،، ربنا ينولكم أهدافكم بخير
اللحين أنا خلصت تحضيري ولله الحمد وبقيت عندي الكتب حقتها و أنا ما حستفيد منها في تخصصي
لذلك قلت الأقربون أولى بالمعروف فبما إنو ما عندي أحد أصغر مني في العيلة حيدخل تحضيري و لا أخوات أصغر مني ! قلت اعرض الكتب عليكم أنتو الدفعة الجديدة يمكن أحد حابب يشتريها مني و يستفيد منها لأنى حاله الأسئلة - مو كلها - و كاتبه في بعض الكتب ملخصاتي و أشياء حلوه :)
وكمان حبيعها بأقل من سعرها الأصلي ^_^
و بكل صراحة ووضوح حكتب هنا الكتب اللي عندي وأسعارها واللى حابة تشتري تتواصل معايا على الخاص أو هنا عادي
..............
خطه أ
كتابين فيزكس مصور
واحد كتاب ماث فيه ملاحظات و مكتوب طريقة حل الأسئلة
كتاب مهاراات الاتصال نظيف
...........
خطة ب
كتاب إحصاء فيه بعض من شخبطاتي :$
سلايدات الاحياء كاملة ( كل جزء لحالة )- أبيض و أسود و الصفحة فيها سلايدين عشان ما تسير الأوراق كتيرة - و ترا واضح إللى في السلايدز
* ملاحظة عندي ملخصات بالهبل للسعدي و اشرف بركات و زويل
و عندي نماذج الاختبارات ( دوريات و نهائي ) للكيمياء ، فيزكس ، إحصاء ، رياضيات
إللى تبغى أي من هذه الكتب أو النماذج أو الملخصات تكلمني على الخاص أو هنا و أنا حاضرة إن شاء الله
الأسعار :
الفيزكس : الكتاب المصور ب 20
ألماث : الكتاب ب 50
الإحصاء : الكتاب ب 50
مهارات الاتصال : الكتاب ب 30
الاحياء : الكتاب ما حتدرسوا منه بس إللى حابة أنا عندي كتاب الاحياء حق التحضيري جديد ونظيف اشتريتوا و ما استعملتو ،،، إللى تبغاه حديلها هو ب 70
و سلايدات الاحياء كاملة ب 70
بالنسبة للملخصات و النماذج ،، على الخاص :)
موفقين دفعة 13
|