[منتظرة الفرج]

بس المفترض تكون مدروسة اكثر ويبدا فيها متخصصين مو مجرد متطوعين
لأن هالفئة يجب التعامل معهم بطريقة معينة بس بعض الناس الله يهديهم يروحون لهم
على اساس الاجر وبعدين ما يرجعون فلو هالشخص حط نفسه مكانهم بيكون منزعج
وبالمناسبة في عكاظ امس او اللي قبله موجود شيء من هذا
للاسف ما صاروا يحسون بخصوصية كل مره يجيهم ناس واللي تخرج جزء تمشيه وتترك الثانين
واللي يصورنهم ويخلونهم يسجلون حلقات
والموظفات مختلفين يعني الموجوده بالدار تحس بعدم الاستقرار لان الموظفة فقط تؤدي عمل
انا ودي يكون ناس متخصصين علم نفس مثلا وتكون مجموعة معينة تتواصل معهم باستمرار
مو مجرد فترات وتقطع وكل واحد يحط نفسه مكانهم و بيحس بشعورهم

انا ماانتقد الفكرة بس ودي ان المتطوع يجلس معهم فترات اطول مو بس جلسات فضفضه
وتمشيات هذولا يبحثون عن الاستقرار والله يعينهم على تعاقب الناس صراحة جوهم يجيب القلق

ياليت والله يخلون اللي تبغى تكون ام بديله ايا كان عمرها تروح بدون فلوس الاهم تقيم معاهم اطول وقت
لان العمر اللي ذكرتي بالغالب تكون المتطوعة موظفة او متزوجة او انها تشتغل رسمي بالدار ومثل ماذكرت تؤدي واجب ليس الا

بالنسبة للمنح اعتقد ان الايتام يدرسون بدون منح ويبتعثون كمان بس ممكن اللي موجودين ببيوتهم وفاقدين الاب
هذي الفئة تحتاج اكثر شيء دعم مادي في حال تخلى عنهم الاقارب
اتمنى التركيز عليها لسبب ان الزيارات المنقطعه ما تؤثر فيهم لانهم موجودين مع امهم ولانها بتفرحهم هالزيارات والمساعدات
اما ابناء الدار والله احس صعبة ومو يعني شخص مشهور يقدر ينجح باحتوائهم مع شكرنا لكل الخيرين بس الحكومة متكفلة بمصاريفهم ودراستهم وعلاجهم
المطلوب منكم ومن كل المتطوعين ان تحسسوهم بالاستقرار والاستمرار بالمتابعة والله من وراء القصد

يعطيك العافيه اعتذر ان انفعلت بس والله من حبي لهالفئة ودي اشتغل عندهم عشان نعوضهم شويه من اللي فقدوه :)