وعليكم السلام ورحمة اله وبركاته
اللهم امين جعلنا جميعا من المغفور لهم والعتقاء من النار في هذا الشهر الفضيل
حياك الله اختي وعوداً حميداً
جدولك يعتمد على امور كثيره اولها ان عندك متطلبات ماانهيتيها وماتقدري تاخذي الي بعدها غير باذن مرشدتنا مس جميله وإن شاء الله ماترفض طلبك
راجعيها وقت الحذف والاضافه او راسليها وإن شاء الله ماتقصر معك وتضيف لك الي تحتاجيه
عموما مبدئياً
افضل تتخلصي من الريدنق واللغويات حتى تقدري تاخذي الي بعدهم بدون اشكال إن شاء الله
لازم تنهيهم الى متى بتاجليهم !
وكمان لاتنسي لازم تخلصيهم عشان يفتح لك فروعهم
ومن حسن حظك مناهجهم نفسها يعني مابتضطري تدرسي شي جديد مجرد مراجعه للي اخذتيه +فرفره بالمواقع تقري قطع منوعه وتتدربي على حل اسئلتها
اللغويات الي تغير فقط الطبعه والمحتوى تقريبا نفسه مع اضافات بسيطه
واسئلتها دائما تجي بنفس النمط واكيد تعرفيها يعني تبغى منك شدة حيل وحفظ وإن شاء الله تعديها هالمره بامتياز
يعني بامكانك البدء من المذاكره من الان او بعد العيد مباشره لو حبيتي
وفقك الله ويسر امرك