[Miss.JA]

وعليكم السلام ورحمة الله وبركاته ..

اهلًا

خطه ب , بعد ماخلصتها الترم الاول عرفت انها سهله بس الي يعرف كيف يذاكر + المذاكره اول بأول

الآحياء كنت عند د.فيريال اشوفها كويسه بس الكل يقول لأ .____. ,
أ.حنان الشاذلي جاتنا ف اختبار الدروي الثاني شي ممررره طيب واخلاق ماشاءالله وسالت عنها يقولوا كويسسه جدًا ,
د.سالينا صحبتي كانت عندها وتقول كويسه كمان .. اما المذاكره من السلايدات وزي ماقالو اول بأول ..

الكيميا .. ماده سهله بس طويله ^^" كنت عند د.فوزيه مرره كويسه ماشاءالله كنا نذاكر من الكتاب اغلب التشابترز + التست بانك ..
بس بما انها راحت فـ د.ليلى فمستوى د.فوزيه انصحك فيها وهيا كمان منسقة الماده حتى لو ماكنتي عندها احضريلها ولو انك معها من السلايدات حقتها والمحاضرات الي تكتبيها + التست بانك وان ششاءالله الفل المارك ^^
ع فكرا افضل الدرجات كانت د.ليلى و د.فوزيه مشاءالله الاغلب فل مارك :P

الاحصاء .. المذاكره من الكتاب واحضري السكشن " كلاس اضافي لحل الاسئله "
طبعًا الكتاب واكتبي محاضرات عشان لا تنسي ,
كنت مع د.سماح سندي ممتازه جدًا ماشاءالله وتفهم كويس وفوق كذا اخلاق :P , عندك كمان د.شفياء وريم الحربي كلهم كويسين ^^

نصايح أخيره مني .. المذاكره اول بأول وعودي يدك ع الحل يعني حلي اختبارات قديمه وكذا ..
اذا مو فاهمه لو جزئيه بسيطه اسئلي عنها و لاتغيبو اي كلاس لو ايش كان الحضور مممرا مهم وحاولي تجلسي ف مكان قدام يعني الصفوف الاولى واكتبي كل شي في المحاضره .. ولو سمعتي شي يحطم خرجيه ممن الاذن الثانيه :P
ومذاكرة الاختبارات طبعًا من قبل الاختبار ب اسبوعين مثلًا , انا كنت من بدري ابدأ اشوف الي فاهمتو والي مو فاهمتو واسأل عنو ع طول وذا جا وقت الاختبار يكون ك مراجعه وتثبيت للمعلومات
- مو مذاكره الي 24 ساعه وماخرج وكذا لا عادي لو ساعه ساعتين في اليوم تكفي - ..
ممكن في البدايه ماتجيبي علامات زي الي تبيها شي طبيعي حتقدري تعوضي الميد الثاني والفاينل + خطه أ بإذن الله .. بس :$

آسفه على الاطاله ^^" .. اسأل الله ان يوفقكم وتدخلو التخصص اللي تتمنوه وشدو حيلكم ^.^
> حسيت اني عجوز اعطي نصايح xDD