تسلمي ياقلبي
طيب كيف مادة تلوث بيئي عربي او انجليزي ؟؟؟
ومين افضل دكتورة ؟
واستفساراتك للأسف مااعرف ولاشي منها
|
مو مشكله انا
نجي لمادة تلوث بيئي ماده غتيته بالانجليزي طبعا
مايدرس الماده غير دكتوره ماجده ابو راس
اخدت فيها b+
الماده حفظ عن تلوث الماء و الهواء وشغلات زي كذا
الدكتوره غيابها كتير وكل شويه تكلم ب الجوال بالكلاس
المذاكره من ملفات ورد تعطيكم هيا اول السنه و انتم تطبعوها و تذاكروا منها
طبعا في البدايه تأشر لكم و تقول ذاكروا من المحدد لجل كدا لازم تكون معاك الملخصات بكل محاضره
و تحذف لكم الشغلات اللي مالها داعي وكدا
و نصيحه حاولي تثبتي نفسك و تتناقشي معاها بالكلاس وو ياليت تحفظ اسمك طبعا شاركييها مو تنشبي لها وتدققي >> يعني سوي نفسك دافوره
طبعا من اسئلتها عررفي و اختياري و صح وخطا تجيب لك صور و تقول لك اش نوع التلوث
الاسئله لابأس بها
بس شويه الماده موحلوه
للامانه الدكتوره طيبه و مو مره شريره يعني صحيح انها ما تعيد لك اختبارك لو ايه
بس لو غبتي عن محاضره او كنتي تبغي تستأذني تسمح لك
او اذا كلمتيها عن ظروفك و كذا تتفهم وتعذرك >> مجربه
طبعا تطلبك مشروع عن اي نوع عن التلوث مع بحث مطبوع و عرض بوربوينت
المشروع سويناها انا وصحباتي قصه مصوره للاطفال عن تلوث الهواء اعتقد
سويناه بمبلغ عند مكتبه وسلمناها هو اما البحث و البوربوينت احنا اللي سويناه
لازم تختاري لك قروب كويس ونشيطين مو ناس ميته و كسوله
كل ماكان المشروع متعوب عليه و البحث فيه كلام كتير راح تعطيك درجات افضل
وبس ان شا الله افدتك
فوضي امرك لله و ان شا الله تساهيل