[بـيـش]

..


تخصصي بعد اعاقه عقليه ..

طبعا اول شي مدخل الاعاقه هو الاساس مافي غير " عفاف القادوم "
اسلوبها تتعب عشان توصلك المعلومه ركزي معاها زين بالمحاضره وراح تفهمي .. بالشرح تشرح من قلب واذا مافهمتي تعيد لك مره مرتين وعشرين .. واول مابتدخل عليكم راح تقلكم هالجمله [ علاقتي معكم الام ببانتها والاستاذه بطالباتها ] .. كوني معاها تمام واهم شي اهم شي خليها تحفظ شكلك واسمك وكلك ..

انشطتها : ابدددعي قد ماتقدرين فيها تحب الالوان والترتيب بالانشطه .. وقبل تطبعين النشاط تورينها اياه وتشيك عليه واذا اعتمدته تطبعيه وانتي واثقه .

المحاضرات : تعطيك اياه بالفلااش نهاية كل محاضره لاازم يكون معك يو اس بي .. عشان تحملين المحاضرات منها وتذاكريها

بعض البنات وانا كنا نحول عروض البور لوورد ونذاكر منها ارتب .. وقت المحاضره الافضل يكون معك دفتر او ورقه تكتبين بعض الملاحظات .. لانها احيانا بالمحاضره تقول بعض الاسئله سواء بالنهائي او بالدوري ..
وتقلك بعد كل جزئيه هذا يجي مقالي او موضوعي وتقلك وشو المهم

اسئلتها .. الموضوعي جدا جدا جدا جدا سههههله والمقالي يكون سوالين طوييله وطبعا من قبل تكوني عارفه وشو المقالي .. وتحفظي بالحرف الواحد والكلمه الوحده انا نقصت درجه ونص عشان بدلت بعض الكلمات يعني اتعبي قد ماتقدري بالمقالي



مشكلاات اخذتها مع استاذه هبه .. هي ماده مشتركه بين التخصصات
اي ماده مع هالاستاذه تجنن وتسهلها صح انها صغيره لكنها شاطره .. اخذوها البعض مع استاذه كوثر اعتقد طلعت عيونهم وعلى نهاية الترم ولدت فماادري تستمر بالكليه الترم الجاي ولالا

انشطتها سهله شرحها ولا اروع تعامل بللي يرضيك .. اسئلتها ذككييييه .. وحلوه بس ركزي فيها شوي


تقويم وتشخيص : اخذتها مع استاذه سحر سليم
صراحه محاضرتها مدري تجيب لي النوم .. اعطتنا ملزمه بالدوري اغلب الملزمه دخلت معانا تعبنا بالدوري لكن النهائي صار سهل لانه اغلب الملزمه دخلت معانا
انشطتها اعطتنا جزئيات نسويها بور .. وتاخذ الفلااشات معاها

اسئلتها : سهله الحمدلله تجيب 5 مصطلحات كل مصطلح عليه درجتين .. بعض المصطلحات من بين السطور

التدخل المبكر برضو ماده مشتركه : اخذتها مع أ.فاطمه سعود .. اذا كان الكلااس كبير ماتعرف تضبطه .. ماخذه انا معها ماده ثانيه بكلااس صغير احسن

شرحها عادي .. احيانا تحسينها مضيعه .. هي طييييييبه وتعطي درجات
اسئلتها سواء بالدوري او النهائي سهله لكن بعض الاسئله تحوس فيها .. وخذوها مني اي سوال تحتارين فيه اكتبي جنبه ملااحظه واشرحي اللي فاهمته تعطيك الدرجه


تاهيل مع استاذه فاطه سعود بعد ..


اصول التربيه الاسلااميه : مع استاذه نوال بارعيده ..

شرحها مختصر توصلك المعلومه وتفهمين
تشرح بالبور واكتبي معاها العرض لاانه راح تذاكرين منه وبتعطيك وقت للكتابه
اهم شي تفاعلي معها واحضري بدري

اسئلتها : شوي فيها لف لكن سهله




ثقافه 3 : مع أ.رحمة مدني ..
شرحها مره حلو تعطيك معلومات خارج المنهج والافضل تكتبي اي شي خارج الكتاب لاانه تجيب منه اسئله .. اهم شي تفاعلي معها خلي بالك معها
اسئلتها جدا سهله تجيب صح وخطا مع التصحيح .. والمقالي " عرفي + تعداد + مثال + دليل "
انشطتها : تختلف على حسب الوقت الترم الاول طلبت البنات انشطه للحج اتوقع
احنا بالترم الثاني طلبتنا انشطه نسوي عروض بور اي شي يتعلق بالرسول .. ابدعي فيه عشان تعطيك العشره كامله .. عن نفسي سويت نشاط ثاني انا وبنتين وعرضوه بيوم المعرض



المناهج مع خيريه بنجر..
الشرح تشرح من بور .. وتاشري بالكتاب .. شرحها مايعجبني ابدا
اسئلتها جبت العيد فيها عن نفسي ماحبيت اسئلتها ولا طريقة الاسئله

الانشطه طلبت ناخذ منهج من مناهج اي مرحله دراسيه ونقول العيوب والمميزات بس
احيانا تتطلب منا جواب سوال معين والمحاضره اللي بعدها نناقشها وتزودك درجات
عشان تجمعين درجات خليك المسؤووله عن الحضور والغياب وهالامور ترفففعك كثير بالدرجات

تعاملها انسانه طييييبه اذا كان عندك اختبار وحابه تذاكري استاذني واطلعي كنت اسوي معها كذا تاذن لي وتراعي صراحه

هذي المواد اللي اخذتها الترم اللي فات وان شالله افدتكم =)


..