شوفي يا جميله مافي شي اسمه ماله مستقبل هذه كلمة الفاشلين
لو دخلتي لغه عربيه و ابدعتي فيها بيكون لك مستقبل اقوى من اي دكتور طب
و لو دخلتي طب و اتكاسلتي بتبلطي في البيت و انا اعرف بناات و اولاد كثير اتخرجو طب اسنان و غيره و محد راضي يوظفهم
نصيحتي انك تقري عن القسمين و تشوفي الخطه الدراسيه حقتهم
و تقري مجالاتهم يعني تثقفي نفسك
القسمين مو سهلين ابدددددا
يبغالها تصميم و شطارة ابددا لا تفكري تريحي فيهم
الجينوم هوا مستقبل الطب الحديث
و الكيمياء الحيويه اساس الصناعات و الادويه و طرق العلاج الحديثه
على فكرة احب اقول لك ان اكبر نسبة رسوب لطلاب الطب هي في الكيمياء الحيويه
ولازم من البدايه تبني اساس قوي
لو انتي انسانه تحبي يكون عندك خلفيه في كل علم ادخلي كيمياء حيويه
اما لو تحبي تركزي في مجال معين و معلوماتك محصورة فيه ادخلي جينوم
و نصيحتي حبي تخصصك عشان تنجحي و لا ابشري بالفشل
اتمنى اكون افدتك بخبرتي
الله يوفقك و يوفق الجميع