[جوجوالامورة]

بسم الله الرحمن الرحيم..
اولا:بالنسبة للدكاترة..
أتذكر اني أخذت إدارة عامة مع خديجة الحربي
شرحها لا يعلى عليه ..اسئلتها صح وخطأ واختياري..لكن دقيقه (يعني ركزي في المذاكرة)
باقي المواد ما عندي علم لان الي درسوني تغيرو حالياً

ثانيا:بالنسبة للمواد ..
إدارة عامة /هذي مادة تعلمك أساسيات القسم ككل ..وكل مواد التخصص للاترام الجايه بتكون تعمّق في موضوعات الادارة العامة من(تخطيط وتنسيق و......الخ
مبادئ قانون /يبغالها مذاكرة من اول محاضرة لان معلوماتها كثيرة
مبادئ محاسبة/مادة حسابيه لها أسس معينه يبغالها تركيز وتقعدين في الحاضرة قدام السبورة..
تحرير كتابي /تافهه جداً ..مع اني ما أطيق العربي أتذكر جبت 99
ثقافة اسلامية/أكيد سهله..

بما اني تخّرجت من هذا القسم وبمعدل مرتفع ولله الحمد بقولك كم شغله حطيها في بالك وانتي تتخرجي بإمتياز بإذن الله ..
1 مواد القسم معلوماتها كثيرة و تقريبا حفظ ..طريقة المذاكرة الصح عشان ما تنسين اي معلومة لازم اول شي تقرأين بفهم وبعدين اربطي المعلومة بأي شي ف حياتك وصدقيني اول ما تجي المعلومة في الاختبار بتحلينها وانتي ما خلصتي قراءة السؤال..
مثلاً:(((خط السلطة نازل وخط المسئولية طالع))).
هذي المعلومة عشان ما أنساها لازم اربطها بشي فبالي
اقول(((كل ما اكبر في السن مسئوليتي تزيد ,معناها المسئولية طالع)))وهكذا..
2 شاركي في المحاضرات وخلي الدكتورة تحفظ اسمك واجلسيلها قدام..
3 لاتكنسلين محاضرات وتكاليفك سلميها كامله في الموعد

على فكرة أنا ما كنت اسوي هذا كله الا اخر كم ترم استوعبت نفسي ..
اخر نصيحة /انتبهي من البنات ..ساعدي الي يسألك لكن عمرك لاتحكين عن تكاليفك او درجاتك بالذات لصديقاتك وبتتذكرين كلامي ..بعدّي صديقاتك عن حياتك الدراسية والشخصية عشان ما يجي يوم تندمين زيي..

فالك النجاح ان شاء الله ..تقبلي مروري..