[حيــــــاة]

المشاركة الأصلية كتبت بواسطة تفائل بالخير تجده الأخ وسيم انت قدمت على الموقع ولا رحت بنفسك على الجامعة ؟ اذا قدمت الكتروني وطلبوا اوراقك وارسلتها بخدمة جامعي فاعرف انك اكلت مقلب كبيير مثلي خخخخ للأسف هذه أول سنة لهم يفتحوا تقديم الكتروني ومعبى مشاكل يعني مثلا حاطينلك خيار تختار الجنسية وتثبت انك غير سعودي لكن حسب كلامهم مافي تقديم للأجانب عن طريق الموقع , والله اني طرطعت لما ارسلت أوراقي وشفت كل الناس مبسوطة واخذت رقمها الجامعي إلا أنا قلت انزل مكة استفسر , طبعا استغليت الفرصة اني بمكة واحرمت قبل لا اسافر عشان اعتمر , ودخلت مبنى الجامعة للطلاب اللي في العابدية قاللي لا العمادة في العزيزية ورحت العزيزية دخلت العمادة وانا بلبس الإحرام سألت الموظف عن القبول قاللي انت اجنبي قلت ايوا قالي مالك قبول اطلع فوق الدور الثاني تلقى ملفك هناك , قلتله كيف مافي قبول والإستمارة اللي ارسلتولي اياها قالي غلط في الموقع طبعا انا مسكت اعصابي ومشيتله اياها , طلعت الدور الثاني عند مكتب وكيل القبول حق الأجانب اسمو علي الأسمري او بندر ناسي المهم دخلت لقيت عندو صفطة ملفات رهيبة كمية مرة كبيرة , كلها حقت الأجانب اللي انقبلو في الموقع وارسلوها , قالي اعطيني اسمك وايصال البريد , طلع اسمي على الجهاز وقالي مالك قبول وصار يدور على ملفي مو محصلو لأنو اللي رتب الملفات ما سجل اسمي , بعدين الله يهديه موظف البريد نسي يختم على الإيصال فالموظف قالي انت ما ارسلت ملفك ما عندنا وهذا الإيصال انت من وين جايبه انت مزوره , قلتله انا ارسلت ملفي بالبريد وارسلتولي رسالة بأنه تم الإستلام , الحين جاي تقلي مافي قبول بعد ما اخدتو اصولي وجريتوني من الرياض وكمان تتهمني بالتزوير وما تبغى تعطيني ملفي , قالي طيب شوي ودور ملف ملف لين ما حصله وقالي خذ قلتله حسبي الله ونعم الوكيل ضربتوني مشوار وعطلتوني واذا ما جيتكم استلم اصولي كانت راحت في خبر كان , قالي والمطلوب ؟ قلتله ابد الله يسلمك عملت اللي عليك وزيادة , أخوي اذا جاك القبول على الموقع لازم تنزل تشيك على أصولك لأنو ما راح يقولو لك انك ما انقبلت وتعال استلم اصولك وفي الأخير اقول الحمدلله اني كسبت العمرة وإن شاء الله يعوضني خير , معلش طولت عليكم لكن حبيت اروي قصتي بالتفصيل الممل عشان تفهموها وتشوفوا الظلم اللي تعرضت له .

لا تعليــــــــــــــــــــق
اش ذا >ـ< وكمان يضيعون الملف ، لعني مافي ولا ذرة اهتمام انه لو ضاع الملف وفيه الشهادة هالمسكين من وين يجمع له شهادة 12 سنه *ـ*