بوناصر
انت الشايب المتقاعد ومن الضمير الحيّ إنّي أغطي على غيابك يالعوووووود 
حيّاك الله مليون يا عزيزي وصباحك فُل
مصرّة
لا لا خلّكم بوجه المدفع أنتم أنا مجرّد جوكر مب في أي وقت ينزل
ولنترك هذا الموضوع حتى ينقرض الجاهليون ومن عليها
ههه هذا لو انقرضو اساساً 
|
عمّوري اتفق مع بعض كلامك
لكن معليش تقبّل منّي هالكلمتين
الجاهليون اللي شفت حواراتهم هنا.. هم بالأخير أعضاء بهذا المنتدى
وإذا عندك ملاحظة عليهم الله يرضالي عليك تقدر تشتكي لمشرفة القسم أو إدارته إن فيه جاهليين
ياخي إذا كنّا نبغى قوانين وانضباط ومنتدى جميل
لازم نعرف وش الكلام اللي ما ينفع نقوله بالمواضيع , مثل وصف بعضنا بجاهليين وما انقرضوا !!
والكلام اللي ما ينفع نقوله إلا برسائل ومواضيع الشكاوي للمسؤولين , كإعتراضاتك
أنا لو إنّي من ضمن الجاهلييين ودخلت معاك في حوار وشفتني جاهلي على قولتك
وشفت ردّك الآن
وعرفت إنك تقصدني بحكم إني شاركت بذاك الموضوع وتقول عنّي الحين جاهلي
تضمن إنّي ما أجي اتهجّم عليك الحين واقلب الموضوع مضاربة لأنك تقول عنّي جاهلي ؟
أي إحترام للآخر يا أخي الكريم تطالب به وقوانين صارمة تكفل احترام الكل
وإنت بنفسك وبنص هالموضوع تقول جاهليين عنهم وما انقرضوا ؟ !!!!!
شفت كيف لو نمشي بالمسطرة والقلم والصرامة بتشتغل المخالفات على أصوله 
وطالما ترضى عليهم تقول عنهم جاهليون وما انقرضوا - في وسط المواضيع وعلانية - !!
اسمحلي أجي أقولك بوسط هالموضوع
إن حضرتك قبل يومين فقط , ماسكها خط في أحد المواضيع بالساحة على مدار أكثر من الرد
تقول على نور العمر قمعية ونبغى الحرية ويقمعونا وماني عارف ايش وضحكككك !!!!
وانت عارف زين إن هالطريقة خاطئة وغير نظامية جداً ولا تسبب الا المضاربات والحزازايات
وتناسيت إن أي مشكلة مو عاجبتك , تقدر تشتكي فيها للمشرفين وللادارة ايضا بقسم الشكاوي
هذا وإنت مشرف سابق عارف زين انظمة المنتدى بالشكاوي والاعتراضات ومفروض تكون قدوة !!
أجل الأعضاء اللي مالهم خبرة كبيرة في الانظمة والشكاوي وش أقول عنهم ؟
ونبغى مواضيع حساسة كمان ؟
صباحك ورد يا معلّم
افتكر اخر موضوع مذهبي تكلمت فيه , شوف الأخلاق الإسلامية من المتشددين وصلت للشتم بأقبح الأوصاف
|
ماني عارف الموضوع للأمانة , ودّي أشوفه إذا ترغب لا هنت أرسلي رابطه عالخاص
وطالما تشوف إنّهم قالوا شتم بأقبح الاوصاف
ما يلزم الله يعافيك إنّك تنشر غسيلهم بين الأعضاء بهالشكل وتصفهم أيضا بالجاهليين و ما انقرضوا
مشرف سابق وعارف ان ابواب الشكاوي والاعتراض مفتوحة وطريقها تعرفه زين
رح طقهم شكاوي على كيف كيفك والادارة ما بتقصر فيهم
أخيراً تأكد والله إني ماني جاي انتقدك أو أزعلك
تعرفني جيّداً إني احترمك ومؤخراً تعاملنا مع بعض بموضوع الحلو
وما قلت أبداً إنّكم مب على حق .. بالعكس يمكن بداخلي أؤيدك بكل كلامك على فكرة
لكن مثل ما نبي الإحترام لبعضنا والإحترام للمواضيع والأطروحات العلنية
ما يصير أجي أسمّي فئة بالمنتدى بالجاهليين وما انقرضوا كذا علانية قدام الخلق كلّهم
أو استلم مشرفة عامة بموضوع واستانس واضحك إننا جالسين نوصفها بالقمعية هي والمنتدى !!
وبالتالي أكون سبب ومبرر لظهور أي مضاربات وحزازيات مستقبلية ..
إذا فيه أحد كلامه سيئ .. أو تشوفه ظلمك أو يظلم غيرك مدري يقمعكم
ما يحتاج نشر غسيل بالمواضيع .. هالطريقة مب حضارية ولا يرضاها المنتدى !
الإدارة ومشرفيها ومشرفاتها فاتحين أبوابهم للشكاوي من هالنوع (:
عموماً أشكرك على صراحتك وتفاعلك الممتاز
والأفضل نقفل هالسالفة و نكمّل بالاقتراحات تبع الموضوع كما تفضلت (: