[تركي فايز]

السلام عليكم اخواني واخواتي .. انا روحت الجامعه اليوم وشرحت وضع التحويل .. والتاخير الي حاصل .. وقلت للموظف انا مقدم على التحويل ويظهر لي بالصفحه ( طلبك تحت التدقيق ) .. وما تغير شيء من بداية التقديم ... فقال لي اعطيني هويتك .. واعطيته البطاقه ، وراح فتح الجهاز وقال عندك مشكله برفع الأوراق راح أفتح لك النظام من جديد عشان تعدل؟؟؟؟ قلت طيب ليه ما نبهتوا من قبل وارسلتوا رساله انو في مشكله بالأوراق المرفقه او أقلها في الصفحه لما ادخل اراجعها مفروض ما يكتب لي تحت التدقيق ... مفروض يفتح لي التعديل ويقول عندك مشكله بالأوراق؟؟ يعني انا لو ما جيت اليوم ما كان فتحتوا الملف حقي .. المهم قال ارفع الأوراق من جديد وراجعنا .. ورحت لمدير القبول وعلى مكتبه زحمه شديده .. دخلت عنده وقلت انا وضعي كذا وكذا والآن يقولون فيه مشكله بالأوراق وراح أرفعها من جديد بس متى راح تخلص الإجراءات وتطلع النتائج ، المهم سالني من أي جامعه قلت من جامعه تبوك .. قلت انا خلصت تحضيري هناك ومعدلي عالي جداً وأبغى احول هنا وتتم معادلة مواد التحضيري واتخصص طب أسنان لعدم وجود هذا التخصص بتبوك .. فقال لي لا ما راح نعادل لك مواد التحضيري موادكم غير .. وبدأ يتحجج بكلام فاضي ويقلل من أهميه المواد اللي درستها .. قلت له يا عزيزي نفس المواد ما في أختلاف .. ومفروض يكون فيه مسؤول خاص بالتدقيق وهو يعطيني الكلام هذا .. انا جيت عندك عشان اشوف الوضع لانو في لخبطه بالتقديم على النت .. قال انت جيب جميع الأوراق الي رفعتها على الكمبيوتر وانسى موضوع الموقع ..لانو حصلت مشاكل((؟؟ يعني تفتح خدمه للتقديم وبالأخير تقول انسى منها ))؟؟؟ وش ذنب هذولا الي لهم شهرين مقدمين على النت وينتظروا؟؟ وايش ذنب الناس اللي للحين تنتظر؟يعني انا لو ما جيت ما كان عرفت .. المهم يقولي اسحب ملفك من جامعتك وتعال هنا وراح نقبلك بس تدرس تحضيري واذا مره نعادل لك بعض المواد مو كلها .. بس ما راح تدخل بتخصصك .. بسرعه ..يعني بالعربي اسحب ملفك وضع مستقبلك على المحك وتصير تضيع مكانك بجامعتك ومكانك هنا مو مضمون .. قلت من المفترض أنه اذا تم قبولي هنا أسوي اخلاء طرف .. وبعدها الجامعه نفسها ترسل لكم ملفي.. المهم ما كثر معي هرج ..ومتكبر جداً.. وما أستفدت منه بمعلومه صحيحه .. اتمنى اللي حصل معه شيء جديد يخبرنا.. وشكراً. بالنسبة لي رجعت رفعت الأوراق وسويت تاكيد للطلب من جديد ويمكن بكرا اروح مره ثانيه والله يعين.