[memoooo.]

السلام عليكم طالبات وطلاب جامعتنا الغاليه.................. من جد غاليه


افيدكم علما ومن مصدر موثوق لن اذكر اسمها...............يعني استاذه في الجامعه


انه يوم الاربعاء سيقفل الكنترول على درجاتكم ولن تتم مراجعة اي ورقه اختبار


مو عشان انتهى وقت المراجعه لا لا لا


لاننا طلاب سنه تحضيريه انتساب هذا مو كلامي هذا كلام دكتوره (فلانه) في الجامعه لأستاذه تقربلي


المهم حقلكم اللي سار معايا وزي ما أنا انصدمت عارفه انكم حتنصدموا من الكلام اللي راح تقروه


وأكدلكم والله ثم والله ثم والله من مصدر موثوق واني ما أكذب عليكم في الحكايه ولا أبالغ


الحكايه....


يوم الإثنين مساء كلمت أستاذه في الجامعه تقربلي وقلتلها عن اني راسبه في


الإنجليزي وانا أتوقع اني حاليت كويس


انا ماكنت ابغاها تسألي أو تتوسطلي في الموضوع أنا كنت بس أبغاها تقلي


فين أراجع


المهم هي عرضت خدماتها وقالتلي انا حشفلك النتيجه وما تشيلي هم وطبعا


راحت لدكتوره ( فلانه ) طيب وركزوا فلي حقولوا


وكلمتها وقالتلها قريبتي تبغى تراجع ورقتها ومن الكلام دا وهي انتساب سنه


تحضيريه


قالتلها دكتوره (فلانه ) طيب بس خليها تجيلي قبل الربوع ويسير خير

واعطيني رقمها الجامعي


المهم قريبتي راحتلها اليوم الثلاثاء تسألها ايش سار في الموضوع


قالتلها دكتوره ( فلانه )


والله بصراحه ما نقدر نراجع أوراق الطالبات وبالذات طالبات الانتساب للسنه التحضيريه


(يعني مو من حق طالبة الانتساب السنه التحضيريه تراجع ورقتها)

؟؟.....هذي من عندي هيا ما قالت كذا


قالتلها قريبتي كيف بس على الأقل ورقه قريبتي


قالتلها دكتورة ( فلانه ) معليش ما نقدر ومراجعة ورقة اختبار مو بالساهل وأصلا بكره (يعني الربوع) لازم نقفل الكنترول.


( طبعا لو بنتها اللي راسبه كان قومت الدنيا وماقعدتها وحتى لو طلعت


بنتها راسبه من جد مو غلط كان جابتلها اكبر واسطه ويحطولها كمان


درجة ممتاز )هذي من عندي طبعا


بس هذا اللي سار وانا جدا مقهوره ومن جد شويه وابكي من القهر


عموما انا بكره حروح الجامعه وحقلها اني ابغى اراجع ورقتي بس إذا


رفضت لمين نروح واحنا على قولتها مو من حقنا نراجع اوراقنا علشان


احنى انتساب وكمان سنه تحضيريه


أرجوكم افيدوني وياليت قبل الساعه 7 صباحا


يلدرم لو سمحت جاوب على استفساراتي لانك انت قلت مره من حق الطالب يراجع ورقته


ويعطيك ألف عافيه


وعلى فكره قبل لا أنهى الموضوع اثبتت دفعتنا للجامعه فشل نظام السنه


التحضيريه علشان كذا


الجامعه لن تطبقه في السنوات القادمه من مصدر موثوق


ودمتم سالمين