[فيصل]

أضيف قصة بعد أذنك , والقصة حصلت أمام عيني ..


في مدينة ما , وقف الأب مع أثنين من عياله .. واحد تقريباً عمره 17 أو حول العمر هذا والثاني صغير دون الـ 10 سنوات ..
وقف الأب بسيارته الجيب عشان يصرف من صرافة السوق , وكان موقفه خطأ عليه إشارة ممنوع الوقوف اكبر من سيارتهم :))
كان رجل الأمن موجود , فقال للأب : لو سمحت , ممنوع الوقوف هنا ؟
قاله : ثواني وأجيك ما راح اطول ! (للعلم الصرافة كان عليها حول 6 أشخاص والوقت كان في آخر رمضان الناس تجهز للعيد )
بعد محاولات مع الأب , رفض الأب أنه يغير موقف السيارة ..
رجل الأمن ابن الحلال راح للولد اللي في السيارة , وقاله : تعرف تسوق ؟ قاله : ايه ..
قال : غير موقف السيارة لو سمحت ..
الأب اللي كان يراقب المنظر من بعيد , صرخ بأعلى صوته على رجل الأمن : على مسؤوليتك ؟ تتحمل المسؤولية ؟ لو صدم ؟ لو صار للسيارة شي ؟ انت اللي تتحمل المسؤولية ؟

الولد ما يدري ايش يسوي , رجل الأمن يقنع الأب ان الموضوع عادي , الأب صوته يجلجل في السوق ..
وانتهى الموقف على كذا :))