[حيــــــاة]

المشاركة الأصلية كتبت بواسطة أمل كبير خبررر جديييد اليوم بابا راح الجامعة .. يعطيه العافية: قالولوا الاسماء حتوصلهم بعد شهر وحيطلعوا المقبولين !! مدري ان شاء الله يكونوا دي المرة صادقين و شكرا

الله يبشرك بكل مايفرحك ويعنطي ابوكي العافيه

على قول بيناوي تعودنا انا وهي لنا سنتين كل شهر يقولوا لنا الشهر الي بعده ، بس مجرد مايجي خبر كذا حتى وانا مشككين في صحته يعطنا دفعه اجابيه ،، يسلم لك ابوكي عالمشوار : )

المشاركة الأصلية كتبت بواسطة الفارقي سلام عليكم اخواني هل لديكم اي فكرة عن اختبار القدرات لسنة 1434 هــ هل بتكون الرموز انجليزي ولا عربي شكراااا. للطلاب هل الأجانب المقبولين انتظام يقدروا يتخصصوا هندسة بهذه الجامعة .

وعليكم السلام ورحمة الله وبركاته
انا بنفسي راسلت مركز قياس من شهرين تقريباً وسألتهم عن امنتحان التحصيلي هل بيكون تابع للمناهج المطورة او زي مادرسوه طلاب الدفعات القديمه ،، فكان جوابهم انه الاختبار بيكون في هذا وفي هذا وكل واحد بيدخل حسب ماكان عليه .، هذا بالنسبة للتحصيلي .
اما القدرات امكن يكون نفس الحال ، راسلهم عالايميل وبتلقى الجواب .

المشاركة الأصلية كتبت بواسطة wa3od لو سمحتو الوالد مادخلوه عند العميد ومعاملتي حق القبول عنده وصلت اممم عندكم اي معلومه كيف اتابعها او ايش حيصير فيهاا ..؟؟

مممم انتِ وين مقدمه ؟ عبدالعزيز ؟ يدوي ولا الكتروني ؟
<<معليش قلتي لي اعتقد من قبل بس ماعدت اجمع

المشاركة الأصلية كتبت بواسطة الرّوان طيب ياجماعة محد فكر يتواصل مع الوزارة ويشوف وش سبب التأخير الللي صاير ؟

الوزارة جربت في فترة اتصل وارسل عالايميل ،، ولا حياة لمن تنادي
ما اعتقد بيكون في جواب >ـ<

المشاركة الأصلية كتبت بواسطة moblue السلام عليكم اوووه من زمان عن الموضوع هذا من ايام التقديم عندي كم سؤال انا طالب مستجد وببدأ السنة هذي ان شاء الله بالنسبة للتسكين ومالتسكين هل الافضلية للسعوديين ولا زينا زيهم ؟ وبالنسبة للهندسة تقولون "معدل عالي" عشان الواحد يقدر يدخل يعني كم تقريبا ؟ الشي الاخير بالنسبة لنا "تحضيري موازي علمي" هل محاضرتنا راح تكون ليلية ولا صباحية ؟ وبالنسبة للسكن ,اقدر اقدم الكترونيا ؟ وآسفين على كثرة الاسئلة واحتمالية انها مكررة بس صعب الواحد يدور في 776 صفحة , وياليت لو تجمعون اجابات الاسئلة المهمة وتحطونها في الصفحة الاولى عشان توقف التكرار وشكرا كثيرا لكم

التسكين اول شيئ الطب مفروغ منه مافي لنا ،
ثانياً عشان تضمن قبولك في التخصص الي بجد تبغاه ، حاول يكون معدلك اقرب مايكوووون للخمسة ولاترضى بالاقل ، عشان لايكون لهم عذر >ـ<
صحباتي قبل العام كانوا يقولوا لهم معدلاتكم واطيه وانتو غير سعوديين ،، لكن لو المعدل عالي مايكون عندهم حجة عشان يرفضوا دام التخصص متاح .بشكل رسمي .

السكن اعرف واحد زيك انقبل من الترم الماضي ويبداوم الحين ، المهم اول ما انقبل من ذاك الترم قدم عالسكن يدوي من العمادة وما انقبل ، ونزل جدة في شعبان وقدم يدوي والى الان ماجاه رد ،
ويقولون انه التقديم بيفتح الكتروني (قالوا له كذا من شعبان ) ،، وانا كل يوم انخر الموقع نخر مافي شيئ فتح
لم تنزل الاسبوع الجاي روح لهم وحاول تاخذ استمارة تقديم عالسكن وقدم ،
الموازي اي قالوا العيال بتكون التحضيري لكم مسائي ، لكن من بعد التحضيري بتصيرون صباحي عادي ،،

بالنسبة لإقتراحك عن تجميع الاسئلله المهمه
انا هنا من 2010 ،، وتعذيب صراحة تجميع الاجوبه ، لانه كل فترة تطلع لنا اسئله شكل
فحط انت بس اسئلتك واحنا حاضرين نفيدك بالي نعرفه
مووفق : )

المشاركة الأصلية كتبت بواسطة رحـــــــوب السلام عليكم ورحمة الله وبركاته.. اعزائي انا عندي مشكلة وواثقه فيكم انكم رح تحلوها لي بإذن الله .. اولا انا قدمت عالملحقيه اليمنية وطلع اسمي من ضمن المرشحات لدراسة الباكلوريوس في الجامعات السعوديه مع العلم ان موزوني 89 في جامعة الامام بالرياض انتظااااام ,, ومن بعدها وانا منتظره الرد وماردوا الى الآن دقيت عليهم في رمضان قالي بعد العيد مباشرة رح يردوا عليكم .. وامس طول الوقت وانا ادق عالسفارة اما مشغول او مايردون ..وانا بصراحه نفسيتي مرة تعبت ويئست لأن مافيه احد جاب خبر لامواقع ولاشي لكن يوم دخلت هنا احس اني تطمنت وحسيت انه في ناس مثلي ونفس معاناتي .. هل فيه اخبار جديده ومتى رح ندرس هالترم؟؟ ولا الجاي؟؟ والا خلاص راحت علينا ؟؟ كمان آخر سؤال وعارفه اني طولت عليكم ايش هو اختبار تحديد المستوى ؟؟ هل هو لنا والا للانتساب وهل هو ضروري والا لا لأني بصراحه اول مره اسمع فيه واخاف فاتني..مشكورين مقددما وبإنتظار الردوود اللي تريح بإذن الله..

وعليكم السلام ورحمة الله وبركاته
هنا في كثير زيك ، ومثل مافادوكي فوق انه السفاره قالت المعاملات الحين في التعليم العالي ، لو جات بدري بتداومون ترم اول ، ولو تأخرت بتداومون ترم ثاني ،
بس مو معناته انه مافي ،، لا حقك وبيجيكي انتِ مقبووووله يعني الف مبروك واطمنننيييي بس مسألة وقت ، تابعينا هنا عشان تعرفين كل جديد .

بالنسبة لإختبار تحديد المستوى ، هذا بعد ماتتممين قبولك في الجامعه بيحددون لك يوم عشان تختبرين انجلش فيه ، وحسب درجتك بتبدأين اي مستوى من مستوات الانجلش الاربعه .
احتمال مايختبرونك لو جا القبول عالترم الثاني وكان عندهم لخبطة ، دفعه قبل العام ما اختبروهم وبدأوا كلهم من اول مستوى ،
الانتساب لا مالهم تحديد مستوى ، يبدؤن من الاول ، كل ترم مستويين .

اتمنى اني افدتك ، واي سؤال احنا حاضرين : )

المشاركة الأصلية كتبت بواسطة سم الحبايب السلام عليكم ورحمة الله وبركاته انا لدي صديق سوري يريد الدراسة في جامعتنا ويريد معرفة الرسووم وطريقة التسجيل للأجانب؟ علما بأنه درس 35 ساعة اكاديمية وتخصص في الحاسباات. فهل يستطيع التحويل ام ماذا وجزاكم الله خيراا

وعليكم السلام ورحمة الله وبركاته
التسجيل في جامعة الملك عبدالعزيز للغير سعوديين في شعبان ، وبدون رسوم لانها (منحة داخلية )
هو جاي من اي جامعه ؟؟ لو خارجية التحويل اعتقد ابددد مافي معادلة .
لو جامعه سعودية داخل المملكة احتمال يكون فيه ،،
ماعندي ججواب اكيد بس راجع عمادة القبول والتسجيل واشرح لهم وضععه ومدري اش جوابهم بيكون

فال الجميع تحقيق مايتمنى

بالتوفيق للجميع : ) : ) : )