[مامة جمان]

صباح الورد أختي بداية همة اتفأل لك بالقبول
انا راح احكيلك عن تجربتي
دخلت بديل التوفل وعديت , تحريري وعديت بس لو تسأليني كيف ما ادري برحمة ربي وتوفيقه دقوا وقالوا تعالي للمقابلة
نجي للمقابلة مع اني ما خبصت بالعكس كانت حلوة لكن الصراحة الزايدة عن اللزوم مالها داعي يعني لما يسألوك مثلا زي استفدتي من التدريب الميداني وانا كنت طبقت في مدرسة ومستشفى ودار مسنين وقلت بالتفصيل العيوب وكيف اني ما استفدت من تدريب كذا والأخصائية ما ساعدتنا هناك
المهم الصراحة مالها داعي قولي انك استفدتي زي سألوني سويتي دراسة حالة في المدرسة وكيف؟؟
وانا الاخصائية كانت تمنعنا بلاش من الصدق الزايد قولي انك سويتي وانت عارفة الخطوات حسيت انهم يبغوا انك تكوني مستفيدة من كل شئ
وبقية الأسئلة عادية مجرد دردشة عن ايش بحث تخرجك وفين رحتي ؟؟ وفين وزعتي استماراتك يعني اشياء عامة وجدا جدا مالها علاقة بالصح والخطأ
المهم كنا 5 بنات دخلنا للمقابلة وفي النهاية ما اخدوا إلا اربعة وانا اللي ما عديت ومني عارفة ايش السبب؟؟
هل صراحتي الزايدة؟؟ هل لأني من جامعة أم القرى؟؟ لأني حسيت انهم مو واثقين من خطة قسمي وفي الأخير ربي ما اراد وشوفيني هنا للمرة التانية ولو ربي ما كتب لي برجع تالت ورابع مافي مشكلة
وخلينا متفائلين رحمة ربي واسعة وربنا ما يكتب شئ إلا الأحسن