[تركي فايز]

حياك الله أختي ezmond وشكراً على التوضيح وسرد تجربتك حتى نستفيد منها والله يوفقك ويسهل أمرك .. بالنسبة للي حصل لك ولغيرك من المحولات غلط في غلط ومن المفترض أننا ما نسكت على هذا لأن احنا تأذينا واللي بعدنا واللي بعدنا راح يتأذوا أكثر وأكثر .. وعلى كلامك السنه التحضيريه مش حاجه خارقه هي كلها مواد الثانوي بالانقليزي .. بس تأصل مفهوم التعقيد عند الجامعه وهبالاتهم وتأخيرهم فـ يبغوا يرقعوا ويدخلوا الطلاب كذا على البركة ويعيدوا تحضيري واللي يسكت ويكون طيب يتبهذل ويعيد كل شيء واللي يحاول يعيد شيء ويعادل شيء.

الحل : هو أن التحويل ما يتأخر مثل ما حصل لنا .. واللي درس تحضيري تتعادل له المواد خصوصا ان سنه التحضيري محسوبه بجامعته وراح يتأخر سنه بسببها وهذا شيء مو سهل.. وبأذن الله يوم السبت بكرا راح أطلع للعميد بنفسه وأشرح له عن المشكله بشكل كامل.

----------

أما بالنسبة لأختي ( من يقول انك تحب ) .. أنا لحد الحين بالإجراءات النهائيه للقبول ومراجعه الجامعه والفرز النهائي هي قبل معادلة المواد وقبل القبول النهائي.. يعني لحد الحين ما تعادل لي اي شيء ولم أخذ اي قبول رسمي.

بالنسبة لمادة الإحصاء هي بعكسها عندنا رياضيات .. ويمكن الأسم فقط الخارجي يختلف لكن محتوى الماده درسنا أكثره بـ رياضيات 1 ، ورياضيات 2.. ويمكن لاحظتي أن ( مهارات الاتصال / مهارات التفكير . إلخ ).. كل المواد بنفس المسميات لأن كان فيه عقد اشتراك بين الجامعتين عند إنشاء السنة التحضيريه بجامعه تبوك وكانت المساعدة في إعداد المناهج .. فهي اغلبها لا تختلف لا بالمسمى ولا بالمحتوى وإن إختلفت مادة فهي فقط بالمسمى..

ولو مثلا باقي لي مادة ما تعادلت .. أتخصص وأشيلها معي.. ولكن الموضوع ما راح يوقف على كذا إن شاء الله..

وبالتوفيق للجميع.