[وسيم الإتحاد]

بالنسبة لهذي المادة ....

كل سنة يقوم الدكتور علي رشدي بحل الاختبارات القديمة ووضعها في مذكرة بمكتبة خوارزم الهندسة وكل سنة يتم تحديثها أول بأول ... ذاكر منها فقط وتكفيك باذن الله (( لكن لازم تفهم من شرح الدكتور كيف الحل لأنه صعب شوية إن الواحد يفهم بنفسه لكن حتكتشف إنه أسهل شوية مع شرح الدكتور ))

الاختبارات هي نفسها نفسها ما تتغير كل ما يتغير هو الأرقام والدوال وقد تتغير صيغة السؤال (( يجيك بلفة )) ولكن المطلوب تقريبا هو نفسه
الصعوبة تكون في أن الاختبار (( النصفي والنهائي )) يكون من 300 درجة في ساعتين والطالب يحل إلي يقدر عليه (( الاختبار طويل جدا جدا جدا )) والدكتور ياخد المعدل لأعلى خمسة درجات تقريبا ويجعلها درجة الاختبار
المادة في الغالب حتخرج منها ومنت داري إيش الطبخة ولا إنت فاهم إيش تبغى في الحياة (( لا تتشيل هم كل الناس خرجو منها بنفس الطريقة ))


لكن ... حسب ما سمعت والله أعلم أن الدكتور علي رشدي ما راح يدرسسها هذا الترم ... وهنا أنا ما أقدر أقول إيش راح يصير لأن الدكتور علي عمره ما غير طريقته ... أما اذا كان في دكتور جديد حيمسكها فـما أدري كيف حـ يكون الوضع