رد: آتهورت و حذف آلرسسم =)
اخوي طال عمري، كان المفروض ما تتهور وتحذفها قبل ما تستخير وتستشير
بالنسبة لطريقة التدريس: الدكتور حيشرحلك الوقت كله يعني حوالي 3 ساعات بدون ما تفك الجهاز ولا تلمسه والساعة الباقية تكون للكوز اللي يعطوكم اياه
واكيد اعطوكم نبذة والسلبلز للمادة
الرسم الهندسي تعتبر من اسهل مواد السنة الاولى لانها اصلا والله ما تحتاج دكتور يدرسها، لو تقعد في البيت مع نفسك تطقطق عليه وتبحث في اليوتيوب عن طرق الرسم، ووالله حتستمع بيها ولا حتشيل لها هم
فالمهم في طريقة التدريس انك تكون منتبه ومركز وتجيب معاك دفتر وتكتب الاوامر اللي يقها لكم الدكتور (واذا كان الدكتور هو علي ابو العز فهو دكتور جبااااار صراحة وما يتفوت)
وبالنسبة اخيرا لبرنامج الرسم: ملاحظة مهمة جدا حاول توصلها لكل من تقدر عليه
البرنامج لمن تنزله من السيدي كاااااامل بكل البرامج الاضافيه اللي معاه مثل photview وغيره ملحقات كثيييرة ،،،، ما حيشتغل معاك برنامج الرسم الاساسي ابدا << وهذا جربتها بنفسي ونزلته والله اكثر من 4 مرات وفعلا ما يشتغل (مع العلم ان البعض اشتغل معاهم سلام سلام)
لكن اكلمك بشكل عام ،،،، انه لمن تجي تبى تنزل البرنامج وتجيك قائمة البرامج اللي عليها علامة صح (شيل كل الصحات وخلي فقط على اللغة و solidwork) وحط السيريال وبعدين انقل الكراك على الملف الاساسي بعد ما تنزله على قرص السي
وان شاء الله حيشتغل معاك تمام مع وجود بعض التعليق لان البرنامج منسوخ وليس اصلي
|