[عبير منشي]

المشاركة الأصلية كتبت بواسطة my hope lost انا ايميل نعتذر والاودس لم يتم اعتماد الفرز والنهآيإ يعني !! معدلي 3.88 فقدت الأمل ويئست

عزيزتي لا تيأسي ربنا مايكتب لك شي إلا وفيه خيرة ماتدري عنها. يمكن لو انقبلتي انتظام كنتي ماراح ترتاحي أو يصير شي مو فصالحك يمكن ويمكن.. حاولي تقولي اللهم لا اعتراض و تدعي دايماً وتستغفري و بإذن الله شهادة الانتساب لأي تخصص كان بتكون من هنا لوقت مانتخرج نفس مستوى الانتظام ولو على وظيفة ربما تتوظفي قبل ما يتوظفوا المنتظمات !

الرزق عند موزع الأرزاق سبحانه وتعالى.. سواء دراسة أو وظيفة. والصعوبات للمؤمن تعتبر اختبار لصبره وقوة إيمانه و كفاحه.

معدلك أفضل من اللي جايبين 2 و عليها ! يدخلك تخصصات حلوة وعليها طلب.

تحسبي احنا انقبلنا في الانتظام خلاص عشان جاتنا رسالة قبول؟!
لسى فيه مرحلة مطابقة الشهادة و اعادة التخصيص حسب شروط التخصصات للمنتظمات وهذي أصعب من شروطها للمنتسبات يعني حتصير تصفية لكثير طالبات يوم السبت القادم. المقاعد أصلاً محدودة .

يعني احنا كمان مهمومين انقبلنا قبول مبدئي ومو عارفين مصيرنا يوم السبت ايش حيكون للآن.

اقلك نصيحة دايماً أمي الله يطولي بعمرها تنصحني بيها لما يشتد علي الهم و اكثر الشكوى.. تقول لي :
يا بنتي لما يزيد همك لا تقولي يارب انا عندي هم قولي يا هَم انا عندي رب .. وسبحانه ما خاب من تمسك بحبله ..

آسفة على الإطالة لكن احتسبها لوجه الله واجب الوقوف معاكي لأنك طيبة و تستاهلي كل خير..
بالتوفيق يارب