[حيــــــاة]

المشاركة الأصلية كتبت بواسطة غُرْبَة ~ الله يسعدك يا رب على هذا الرد الطُويل =) ، هُو أنا متعقدة من سالفة التخصص من الحين ><" دامك رديتي علي خليني آخذ رأيك يمكن تساعديني أقرر ^.^ ! أنا ميولي وقدراتِي كلها جهة الأدب واللغَات كثير نصحُوني بمستواي أن أدخل عربي أو اعلام، بس هالتخصصين مو ميولي ><" ! محتارة بين الانجليزي والفرنسي والياباني (يمكن يفتحونها السنة الجاية أو اللي بعدها، فلسا متأملة أدخلها) انجليزيتي تمام وتعلمتها ذاتياً .. لكن أحس أنها سهلة وكل الناس عندها انجليزي، وحسافة أضيع عمري عليها ! الفرنسي أكرهها >>" .. أكره اعلامهم وثقافتهم وانتاجاتهم ولغتهم وكل شيء :@ ! بس لغة بلدي وأهلي فرنسي .. فاللغة وراي وراي >< .. وكلهُم يقولون أنه التخصص المثالي لأن وقتها بأكون متقنة لأربع لغات مطلوبة بالبلد بس أنا أكره اللغة وما أتوقع بأفلح فيها ! .. + ما ودي أروح هناك أصلاً، بس محد يعرف للمستقبل >< ! والياباني أحبها والشعب وانتاجاتهُم ومواقعهم وكل شيء ! بس ما أتوقع بيكون لها وظائف لا هنا ولا بأي مكان ! سوري كلامي كثير .. بس لأن أحس وضعي مختلف فصعب أختار براحتي :( ! لو سعودية كان آخذت ياباني، واذا ما فتحوه آنجليزي وبدون تفكير >___>" ~ صح الواحد يدرس اللي يحبه ووو بس الوظائف شيء أساسي السنين هذه بتمر مثل لحظة وبلقى نفسي فجأ بعمر الـ25 متحسفة ليه درست تخصص بدون وظيفة xd !

ويـــســــعدك وانا حاضرة

اول شيئ ماشاء الله ترتيبك للأفكار جيـــــد بل رائع
كويس حطيتي لنفسك نقاط واساسيات تعتمدي عليها وماتكوني تايهه .

طيب .. نمشي حبة حبة ..

* الادب والاعلام مو ميولك اذاً فلنحذفهم وانسيهم ،،
عندي قاعدة :
(ادرس شيئ يمتعني حتى لو ماله اي مستقبل ،، ولا اني ادرس شيئ مو ميولي بالتالي ما افلح فيه بالتالي نفسيتي تتعب بالتالي اكرهه واكره الدراسه وكذا اكون اتعب عالفاااااضي )

* طيب النقطة الثانية حق الانجلش جداً مهمه .. وكويس انك محددة انك جيدة فيها بالتالي تمام كلامك لاتضيعي عمرك فيها ، دام بتتقنيها بالممارسة .

* الفرنسي .. يعني هي بالنسبة لكِ مهمه عشان بلدك ،، ممم طيب ممكن لو رحتي انك تتقنيها بالممارسة وتمشي مع معهد او شيئ من هالقبيل ؟
اذا ايوة فألغيها ،، دامك شايفه انك مابتفلحي فيها والي ماتفلحي فيه ماينفعك زي ماوضحت فوق .
مع انه من فترة وحدة كنت اتكلم معها وكانت تقولي انه حتى في العالم العربي الغة الفرنسية صارت تجي في المرتبة الثانيه بعد الانجلش ،، يعني بعد فترة بيصير احتياجه زي الانجلش ،
بس دامك ممكن تكتسبيها بطريقه ثانيه ( البلد ) فلاتضيعي سنين الدراسه فيها وانتِ اكرهيها .

*الياباني ،، العالم هابه عليه ، بس مدري هل بتكون فترة وتعدي !! او بيكون لهم اثر وبتزيد مساحة الاهتمام !!
لكن كمجازفة ما افضل تدرسيه حتى لو انفتح ،، اعتقد حتى لو درستيه راح تكون دراسه ضعيفه ، وماراح تنفعك لو كان له مستقبل بعد 15 سنه او حتى 7 سنين ،، فلا يضيع العمر فيه هذا كمان .

----------------
كذا خلصنا من السته تبعك ،، تعالي اقولك على شيئ :
اطلعي من الدائرة ،،

انتِ الحين حصرتي نفسك في هالثلالثه ،، وكل واحد تبيه وماتبيه ،،
طيب اطلعي لبرا وفتحي تمام وشوفي بقية التخصصات
وخلي اللغات تكون (اكتســـــاب ثانوي ) لوقت الحاجة
اهم شيئ حالياً الانجلش ومعك وتمشي حالك
الفرنسي بتكتسبيها لو رحتي لبلدك مع الممارسة وشوية تمارين ودروس .
الياباني مافي مؤشر انه لو حتى درستيه بينفعك <<الا لو تفكرين تروحين عندهم
ودامك تحبينهم راح تتعلمين لغتهم بسرعه لو كنتِ من عشاق متابعين المسلسلات اليابانيه .


اطلعي من دائرة اللغات كلها
اهو كلها تقدري تكتسبيها بدون 5 سنين او 4 .

تعالي وشوفي الباقي :
لو كنتِ علمي ..
* الحاسب ومجالاته
* الهندسة انفتحت الان
* كلية العلوم
*الاداره اعتقد مشترك بين العلمي والادبي
* التربيه الخاصة اعتقد كمان مشترك
*علم النفس وعلم الاحتماع
*واشياء كثير ما اعرفها

حطي في بالك انك تطلعين من دائرة اللغات
وشوفي بقية التخصصات
وامسكي كل تخصص واكتبي اجابياته وسلبياته في ورقة
وبعدها عدي الاجابيات والسلبيات
وشوفي تلقي نفسك وين وقدراتك وين


مممم الى الان هذا مالدي ،،
شوفي رايك في هالكلام وردي بما توافقين وبما تعارضين : )