السلام عليكم ورحمه الله وبركاته
بخش بالموضوع على طول 
بصراحه يوم قريت كم موضوع بخصوص ماده الفيزياء والرياضيات وإنها صعبه وحجم الكتب كبيررر وصفحات كثيره ومدري شنو ، فجأه نفسيتي قلبت وصارت زززفت 
وندمت إني حولت من ادبي انتظام إلى علمي موازي
لاني بصراحه في الفيزياء خصوصا ميييييييييح في ثالثه ثانوي يعني يمكن بس عارف قانون نيوتن 
لكن سمعت عن ملخصات للفيزياء والرياضيات يقولو للرياضيات أشتري ملخص جمال السعدي وللفيزياء أشتري ملخص اشرف بركات
طيب أتمنى أتمنى منكم تقولون لي بالضبط وين أحصل هالملخصات بالضبط وبكم أسعارها ويعطيكم الف عافيه
واللي كان نفس حالتي بالفيزياء والرياضيات بالثانوي وكان متخوف منها بالتحضيري وعدت معه على خير يقول لي وش سوا ووشلون ذاكر
|
وعلليك السلام ورحمة الله وبركاته
اسمع اخوي وخذها نصيحة مني
لا تصعب اي شيء على نفسك حتى لو كان صعب
بخصوص الفيزياء
صحيح انها مادة مملة
ولكن ما فيه شيء مستحيل
حاول انك تذاكرها اول باول عن طريق ملخصات اشرف او العربي
او خذهم عند العربي او اشرف
وصدقني راح تجيب درجات عالية فيهم
انا طلعت من الثانوية واكره شيء اسمه فيزياء
ومع ذلك اخذت خصوصي في الفيزياء وجبت 87 العام الماضي
المادة سهلة نوعا ما بس يبي لها مذاكر اول باول
مو تجي قبل الاختبار بيوم او يومين وتبي تذاكرها
اما الرياضيات
فهي اسهل مادة من وجهة نظري
وبما ان البروف ابو جبل هو منسق المادة على ما اعتقد فلا تخاف
انت اذا ذاكر الرياضيات من الوورك شوب حق ابو جبل
وراح تجيك نفس الاسئلة بس يغير الارقام
صدقني الرياضيات اكثر الطلاب العام الماضي
جابوا درجات جدا عالية فيها
لانها مرة سهلة والوورك شوب سهلها اكثر وااكثر
وبالتوفيق للجميع