[بيو كيميائية ^_^]

لاحـظت في ردودكم السلبية

تقولون إحنا في التحضيري كم مادة ومافلحنا فكيف لو أخذنا 6 أو 7 مواد

طيب ما تسائلتوا ليش مافلحتون

أنا ما أقول إنـكمـ كسالة أو مهملين

بس أكيد فيه أخطاء أدت لهذا الشيء

مثلًا طريقة المذاكرة

وقت المذاكرة

الخوف والقلق

سماع الكلام المحبط

اللغة للبعض


كل وحدة فيكم تعرف شنو الغلط اللي عملته

فلازم تصحلون أغلاطكمـ

أنتوا مو أقل من اللي جابوا معدلات عالية

كلكم أذكياء وكلكم شطار

وتقدرون تصلحون أغلاطكمـ وترفعون معدلاتكم

المذاكرة أول بأول محاضرة بمحاضرة خصوصًا مواد أربع وثلاث ساعات

لأنهـا تأثر كثير في المعدل خصوصًا الأربع ساعات تتطيرك فوق وتنزل في القاع

فهذهـِ المواد لازم تركزوا عليها وماتقلون عن 90


خصصوا ساعة لكل مادة يوميًا

عندكم أبحاث أو واجبات حلوها بدري لا تنتظرون لين مايقرب موعد التسليم

إعتمدوا على نفسكم في حل الواجبات

دعموا مذاكرتكم بفيديو من اليوتيوب عشان يركز الشيء في المخ

دائمًا خلوا معاكم دفتر وإكتبوا ملاحظاتكم و الأشياء المهمه اللي تقولها الدكتورة

والترجمه بدل ماتضيعون الوقت في الترجمة في البيت

الإختبارات في وقت المحاضرة يعني 45 دقيقة فقط

لا تخافون عشان الوقت لأن يمديك تحلي وتخلصي نص الوقت

قبل الإختبار بنص ساعة على الأقل لازم تسكرون الكتاب وتبطلون مراجعة وتجلسون لوحدكم وتكونوا ريلاكس وتدعون الله

عشان المراجعة قبل الإختبار هي اللي تضيع الواحد

فلازم العقل ينفصل شوي ويرجع يشتغل وقت الإختبار

النوم لازم تنامون لو ساعتين

لما تجون تحلون إبدوا بالمقالي والشغلات اللي تخافون تنسوها

بعدها الإختياري وصح وخطأ وتقرون كلمة كلمة و مركزين لأن كلمة تخلي الإجابة غلط

لو نقصتوا أول إختبار لا تزعلون وتستسلمون عادةً أول إختبار الناس تنقص أسلوب الدكتورة ماتعرفونه وكذا

والإختبار الثاني تعوضون

درجاتكم لا تقولونها للناس عشان لا حد يحسدكم

لا تسمعون للسلبيين

بالنسبة للكيمياء العضوي

أنا أجلت هالمادة للمستوى الخامس عشان كنت خايفة من كلام البنات يقولون ماحد يجيب عدل فيه وناس ترسب وصعبة مرة ووو

أخذت المادة وخلصتها وأنا كنت أتسائل فين الصعب لأني ماشفت حاجة صعبة

وسمعت كلام الدكتورة وذاكرت أول بأول وحليت الواجبات بنفسي وربطت بين المحاضرات والعملي والنهاية كانت a+

لو سمعت لكلام البنات و أيضًا ماذاكرت بجيب درجة سيئة طبعًا

لا تسمعون كلام البنات بطريقة سلبية اوكـ المادة صعبة

بس أنا أقدر أخليها سهلة

هذهـِ نصايحي لكم

و صراحة كل اللي نصحتهم بهالشيء كانت النتيجة مثل مايبون ودرجاتهم عالية

ولا حد يتخرج بمعدل واطي

الله يوفقكم وتترفع معدلاتك واللي يبي يحول يحول

وصح نسيت لا تختبرون مادتين دسمتين مع بعض في نفس اليوم

و أيام الإختبارات ذاكروا المحاضرات في وقت البريك نص ساعة قراءة ع السريع