[مزاحمتهم]

المشاركة الأصلية كتبت بواسطة بيناوي اهلا بمزااحمتهم ..مافي اي زحمه ع الرحب والسعه .. حيــــــــــــاك بين الصامدووون احنا بخير والمعنويات عااااااال الحمدلله اول شي ماشاء الله موزونك حلوو وبإذن الله يدخل الجامعه اطمني العام قبلو من 90 وانت ِ ماشاء الله فوق 90 يعني انتِ بعيده عن منطقه الخطر امالنا كلنا بيد الله وكل شي بيد الله مايخيب بما انك مقدمه منحه داخليه عن طريق الموقع تبعهم يعني انت تقديمك تمام وامورك ماشيه زي كل المقدمين بس بالنسبه يحطوكِ انتسااب مافهمت كيف حطوكِ وانت ماقدمتِ انتساااب.؟ اما ع الاودس فهذا مو لنا هذا اللي انقبلو يكون لهم صفحه خاصه بيهم يتابعو جداولهم وكل شي يعني زي الملف الشخصي يتعابعو فيه امورهم في الجامعه بالنسبه للاسماء اللي ترفعت هما يرفعو كل اسماء المقدمين بعدين يتم الفرز يعني اكيد كل الاسماء مرفوعه طريقه معرفه القبول العام ارسلولهم رسايل ع الجوال واكيد برضو حيكون كدا وبرضو اي احد حاب يسأل وعرف انو الاسماء نزلت يروح يسأل عادي بس المقبولين اكيد حتجيهم رساايل ان شاء الله اكون افدتك وفكيتك من الاسئله اللي مصدعه رااسك ســ:استفتاء..من كم سنه متخرجه ؟؟ واي سؤااااااال احنا موجودين ان شاء الله مانقصر .....موفقـــــــــه

أنا متخرجة 1433 ه >>> لسه طازجه

بس أعتذر منك لأني ما فهمت قصدك ب : منحة داخلية ؟؟؟؟

حبيتي أقولك اللي سويته بالضبط علشان ما أضيعك ...


اللي سار أنو الجامعه لما فتحت باب القبول يمكن شهر 8 أعتقد ،

قدمت عن طريق النت أو خلينا أدق البوابة الالكترونية تبع

الجامعة و اخترت التسجيل انتظام .. بعد كم يوم فتحت صفحتي

ولقيت كاتبين فيما معناه تم ترشيحك إما انتساب أو تعليم عن بعد

و إذا حابه تكملي طلبك هذا رمز الموعد وكلام كثيييير ..

وصحباتي ( سعوديات ) قبلوهم انتظام وهذا طبيعي ..

أنا ما كملت التسجيل وقالولي بنات عل الترم 2 نقدم إحنا الغير سعوديات واللي تقولي عن طريق السفارة .. وقصص و ووسوسة ..

المهم بعدين شوفت موضوعكم وسالفة الأسماء اللي مرفوعة للوزارة وقلت خلينا هنا أضمن ..

وهذي قصتي بإختصار ..

بيناوي أقوى شكرا ... صراحة الصداع خف .. تسلمين ..