[حيــــــاة]

المشاركة الأصلية كتبت بواسطة سمورة ^^ مرحبا بكم جميعا .. معكم مراسلتكم من جامعة الدمام للفائدة العامة بحكيلكم تجربتي بأول يوم .. بدأ يومي بانتظار الباص .. طبعا الجامعة موفرة باصات حكومية ويقولوا انهم تعاقدوا مع شركة ب25 مليون ريال... لازم يحطوا هالخبر ببرنامج عالطاير عاد انا توقعت بعد هالمبلغ بنشوف باصات ولا في الخيال بس طلعت قديمة ومستعملة كثير يعني كل شي بالباص يتحرك ويهتز وربي حسيت بيجيني ارتجاج بالمخيخ خصوصا ان الكلية تبعد 45 دقيقة عن بيتنا =( مو متخيلة إني بكون بهالمشوار كل يوم ومرتين بعد اهئ اهئ استغفر الله ادري المفروض احمد ربي واشكره انهم موفرين باصات وببلاش انسوا الكلام اللي فوق ههههههه المهم.. اول ماوصلت الكلية طبعا ضيعت لان في مفترق ل 3 طرق وماعرفت اي واحد أسلك لغز هههههههه قلت اجرب حظي واخترت واحد ومشيت مع الركب وشوي قلت تخيلي يابنت تمشين كل هالمسافة وتطلع كلية ثانية فسألت وحدة من البنات قالت هذا طريق الآداب ورجعت ادراجي واخترت الطريق الثاني اللي ولله الحمد طلع كلية العلوم دخلت سـألت الأمن وين لستة الاسماء .. أشرت لي على مدري وين ورحت ومالقيت شي قعدت ساعة كاملة ادور بالكلية اسال هذي وذيك وكل وحدة ترميني على الثانية لين لقيت اللي ادور عليها وتاكدت من قبولي وخلتني اوقع على تعهد والصراحة وقعت وانا ماقريته هههههه الله يستر مدري وش كان مكتوب فيه وقالت لي الرقم الجامعي مارح يطلع الا لما توصل موافقة الوزارة بس عادي نداوم ونحضر المحاضرات يعني مانحتاج الموافقة إلا عشان نصدر البطاقة الجامعية وبالنهاية ارسلتني على المكان اللي اخذ منه جدولي وخذيت الجدول وحضرت اللقاء التعريفي للمستجدات وأخيرا رجعت البيت بعد عناء الطريق وطول المسااااااااافة والحمدلله ماراح أداوم هالاسبوع لان كله اسبوع تعريفي ماعندهم سالفة ايه صح اللي يبون سكن بالدمام ترى فيه بس جيبوا اوراقكم وشي يثبت حاجتكم للسكن وبصصصصصصصصصص ان شاء الله ماينتهي هالشهر إلا وكلكم مقبولين ومداومين دعواتي القلبية لكم

ككلوووووووش ،، واخيراً الان نحتفل بالطالبه الجامعيه
الف مبروووووووووووووووووووك
الله يوفقك ويسهل دربك يااارب
مررره فرحت لك وكأنه انا

<<وتم نقل المغامره لمن يهمه الامر

الله يوفقك : )