[looo0oooly]

السلام عليكم :
عندي طلبات كثيرة ...
* اللي تخصصه موارد بشرية من الاولاد(المستوى السابع ) بدأتوا محاضرات مادة نظام العمل و العمال ؟ لانه احنا محد جانا و خايفة لا يحذفوها , انا سالت أ/امال بليهد (اللي في الشؤون) و قالت لي رح اسالك بس ما مداني اروح لها : فاذا احد من البنات رايح الجامعة بكرة اسالولنا ايش وضع دي المادة ...
* اللي اخد تسويق(انجليزي) و ادارة موارد بشرية (طبعا بالانجليزي) : ممكن تنزلولنا العروض حقتهم هنا و كمان تكتبولنا اسماء الكتب حقتهم ؟
* احد اشترى الكتب(تسويق,ادارة عمليات, اقناع,ثقافة 3) ؟ تعرفوا اسعارها و من فين الاقيها ؟ لانه انا رح ارسل السواق و ما ابغى اعطيه فلوس كتيرة ..
* بنااااااااااات: ليش ما نروح الشؤون و نقول لهم متى رح يصلحوا مكيفات 420 ؟ لانه مستحيل ناخد محاضرات في دا الحر
* انا سمعت من بنات انه نظام الثقافة غيروه : ايش يعني ؟ و هل الكتب نفسها ولا لا ؟ لاني ماني عارفة اشتري الكتاب ولا لا ...
* لمن نحذف مادة و نضيفها في وقت تاني لازم نقول لرئيسة القسم ؟ لانه الدكتورة حقت التسويق حقتنا هندية و انا غيرت شعبتي من 12 ل 8 و لمن قلتلها اليوم قالتلي هل اخدتي اذن مسؤولة القسم ؟ وانا قلتلها انه احنا نقدر نحذف و نضيف عادي من الجامعة لنهاية دا الاسبوع فقالت طيب . بس هيا خوفتني , بس انا كلامي صح انه عادي نغير الشعبة اذا كان الحذف و الاضافة مفتوح و الشعبة مفتوحة , صح ؟؟؟
و شكرااااااااااااااا ( عارفة اني طولت عليكم "سوري")