[ازدهار عدنان]

بسم الله الرحمن الرحيم
مثل ما وعدتكم ..
هذه طريقتي في المذاكرة و الحمدلله معدلي عالي ..
قبل كل شيء أدعي الله أنه يوفقني و أبدأ قبل الإختبارات بشهرين و أسبوع ..
أول ما أشتري الكتاب و قبل أي شيء أشوف الفهرس و أشوف محتويات الكتاب و أتصفحه و أعرف محتوياته بالضبط وإذا فيه معلومة شدتني أقرأها عشان أتحمس حتى لو من الأبواب الغير مقررة ..
ثانيا بعد ما أعرف محتوى كل كتاب و كم الفصول المقررة علي أكتب جدول و أعلقه في غرفتي وأحدد فيه أيام لكل مادة ولكل فصل يوم و إذا كان الفصل طويل يومين و أول شيء أقرأ الصفحة وأفهمها و يكون جنبي ورقة و قلمين و كل ما شفت معلومة مهمة أكتبها بترتيب يعني أسوي ملخص و أذاكر بنفس الوقت وأحفظ المعلومة و أرددها 5 مرات و أكتبها و أرددها مره بعد الكتابة و بكذا تثبت حتى لو لقيتوا نفسكم مو حافظين المعلومة لا تخافوا حفظتوها بس التوتر هو اللي يسبب الشعور بعدم الحفظ وبين كل مادة ومادة يوم راحة و ابدأوا بدري عشان ما يكون فيه ضغظ تصدقوا إني خلال الشهرين هذه محد يشوفني لمدة 6 ساعات و أكثر فقط وقت الأكل و الخروج يمكن 5 مرات خلال هذه الشهرين وأرفه عن نفسي في البيت مع إني من الناس اللي أخرج كثير و إذا كنتوا من النوع اللي ما يحب يرفه عن نفسه في البيت لا تخرجوا أكثر من ساعتين و بعد ما أنتهي من المادة أقرأ الملخص و إذا فيه معلومة طويلة أكتب في الملخص الصفحة و أرجع أقرأها من الكتاب بحيث إنه لو جاء يوم الإختبار و أنا ما ذاكرت غير من الملخص أجيب درجة حلوة و أرتب وقتي بحسب الأولويات أبعد عن النت و الملهيات وخصوصا التلفزيون و الزيارات الضرورية جدا اللي أروح لها و طبعا في فترات راحة و أنام ساعة إذا تعبت و أرجع اذاكر و البيبي ألغي الخدمة و أفعلها آخر يوم في الإختبارات و أدعي ربي كثير و قبل ما أبدأ مذاكرة أسمي و أقول اللهم اني استودعتك حفظي و فهمي و كل ما وقعت عيني عليه فإحفظه لي و رده لي عند حاجتي إاليه .. اللهم افتح علي فتوح العارفين .. اللهم يا معين أعني ..
و أحافظ على غذائي و آكل بنجر كثير لأنه مفيد لفقر الدم و لأنه فقر الدم يسبب النعاس و الكسل فلازم يوميا طبق سلطة مضاف له بنجر و المنبهات ما أشربها أشرب الشاي الأخضر لأنه منشط و مفيد و قبل النوم بربع ساعة أشرب لبن لأنه يهدئ الأعصاب و نصيحة أول ما تتوتروا قفلوا الكتاب و ارتاحوا و بكذا تكونوا ختمتوا كل المواد قبل الإختبارات و يوم الإختبار يكون كمراجعة و التوتر و الضغط أقل بكثير و بالتالي استرجاع الملومة أسهل و لا زم قبل الإختبار تناموا حتى لو ساعة عشان يسهل استرجاع المعلومات ...
الملخصات أرتبها و أدبس أوراق كل مادة مع بعض و أذاكر منها يوم الإختبار
صحيح الطريقة ممكن ما تعجب البعض لكن مافي نجاح بدون تعب ..
لا تحسبن المجد تمرا أنت آكله ... لن تبلغ المجد حتى تلعق الصبر
المقصود بالصبر المر
و تخيلوا نفسكم وانتم تحققون أحلامكم و توصلون لأهدافكم وانه مستحيل تحققوا شيء بدون ما تتعبوا
وبس و سامحوني تكلمت بالعامية ...
و الله يوفقكم كلكم