[الفتاة الحالمة]

السلام عليكم ورحمة الله وبركاته
كيفكم اخواتي ان شاء الله تكونوا طيبين وكل سنة وانتوا طيبين
ماحطول المهم قرأتوا مواضيع الاخوات اللي راحوا الجامعة وجابوا خبر انه محاضراتنا السنترا لطالبات الانتساب المطور راح تكون في ايام الاربعا والخميس والجمعة لمدة شهر او شهر ونص تقريبا فقط في نهاية الاسبوع
انا صراحة مو مستوعبة ومو مصدقة اصلا وما ابغ اصدق حتى ومفجوعة من مجرد الفكرة واعتقد انه فيه بعضكم معايا بما انه مننا العاملات الموظفات ومننا المتزوجات والامهات يعني مو معقولة طوال الاسبوع من السبت للاربعا حنعمل بالوظائف ونشوف بيوتنا وازواجنا وندرس عيالنا ويجي الويك اند حندرس عيالنا برضه وكمان ندرس ونحضر محاضرات وعبال يجي الاسبوع الويك الاند الجاي تكون المعلومات حق الويك اند السابق اتبخرت غير كذا مدة الدراسة حتطول يعني انا ما اصدق اخلص السنترا عشان ابدا اسوي ملخصات وابدا ارتب افكاري و3 اسابيع بالشدة اتحمل عشان احضرها المحاضرات كلها دحين حتى ال3 اسابيع ماحنخلص
ايش رايكم ؟؟؟؟؟؟
انا صراحة ماقدرت اسكت واللي سويته اني ارسلت ايميلات لكل المسؤولين اللي في قائمتي هل منكم من هو معي والا انا اللي تفكيري غير عن الناس ردوا علي وحاكتب لكم الايميلات اللي راسلتهم لعل صوتنا يوصلهم ويغيروا هذه التجربة الكريهة قبل بدايتها او تكون مجرد اشاعة فقط يارب او كابوس اصحى منه ويرجعونا زي ما كنا ارجوكم ردوا علي
اختكم الفتاة الحالمة