[nova09]

السلام عليكم

بنات بلييييز أقرو الكلام مزبوط

أي طالبة تبا تعمل دورة حتختار موعد من المواعيد اللي حنزلها في الفيس(الساعة 4 بالزبط حنزلو) عن طريق التعليق على البوست اللي فيه مواعيد المسرح .. و الأولوية حتكون بالتعليق الأول (بالترتيب) وكلو حيكون قدامكم عشان بالعدل لانو التعلق حيبان وقت التعليق مزبوط.. وأي موعد ينحجز حكتب تم حجز هذا الموعد.

ثاني شي قبل لا تحجزي لازم تكوني متأكدة من موعدك ومتفقه مع الدكتورة اللي حتدي الدورة عليه يعني ما راح أغير الموعد اللي حجزتيه .. ومافي حجز احتياطي ومن دا الكلام..
ثالث شي لازم ترسليلي على الايميل بعد حجز الموعد البيانات التالية (اسم مقدمة الدورة الثلاثي - صفتها الوظيفية - عنوان الدورة) ترسلي الايميل بعنوان (اعلان دورة)

رابع شي وهو الأهم لازم ترسليلي بيانات الدورة قبل موعد الدورة بأسبوع الى أربعة أيام على الأقل ليكون هناك وقت كافي لعمل الإعلان وتوزيعه في أنحاء الجامعة .