معليش اختي اختلف مع كلامك جملتن وتفصيلن الحجاب عبادة وليس عادة الحجاب عبادة وليس عادة الحجاب عبادة وليس عبادة الحجاب اذا ماكان عن قناعة داخلية من المراة خلاص ماله فايدة ايش فايدة العبادة بدون نية وعملها كعادة لارضاء الناس
اسمحيلي اختي ايش الي يغصبها ومايغصبها عشان تستحي ترا مافي شي غصب لا بالدين ولا بالعادات الاجتماعية كل انسانة حرة بنفسها وهيا ملك ربها مو ملك زوجها وكل انسان يعصي ويتوب مو يغصبها زوج عشان تستحي منو هوا
اكبر غلط قلب العبادات لعادات اجتماعية وممارسة ضغوطات اجتماعية واسرية لفرض خاص يجمع بين المسلمة وخالقها
لو بتتحجب هيا الي بتتحجب من نفسها وعن قناعتها بدون اي ضغط خارجي لانو العمل بدون نية صادقة لرب العالمين وتوبة بعد انفراد طويل مع الرب مالو طعم
مدري ليه الجيل يركز على المظاهر في كل شي حتى المظاهر في الدين
مافي فتاة كاملة كل بنت ينقصها شي ويكملها شي ثاني يعني بنت تكون بالنسبة لاي شاب مثالية قد لاتكون مثالية لشاب اخر والعكس صحيح
من وجهة نظري الشخصية الاخلاق الاسلامية الانسانية في التعامل اهم صفة في الزوجة ياتي من بعده الذكاء والثقافة
مع ملاحظة ان الكثير يخلط بين الحجاب والاخلاق اكررررر الاخلاق عبادة وليس عادة القى بنات حجاب زي الي تتكلمو عنو تلقى ماعندها ذرة اخلاق هيا لابسة كذا غصب ولا مو مقتنعة ولا ايش مو فاهمة والقى بنات غير محجبات اطلاااقا قمة في الاخلاق والتعامل والود
اخيرا بختصر الي بقولو انو كل البنات مسلمات ومؤمنات ومصليات إن شاء الله يارب واذا بنت منقصة بحجاب ممكن تلقاها تتعبد اكثر في شي ثاني اكثر من الي حجابها اكمل والعكس صحيح لايكون المسلمين دقيقين على المظهر وينسو الجوهر كل البنات فيهم الخير يارب
واخيرا وليس اخرا العبادة والدين في المراة يجب ان يكون عن قناعة لرغبتها في التقرب من الله وليس لزوج او مجتمع
قولولي رايكم في كلامي وايش نقاط الاتفاق والاختلاف معي
