-
السلام عليكم ورحمه الله وبركاته
كيفكم ي جماعه الخير
أنا عضوه جديده وأقل كلمه ممكن توصف حالتي أني أنسانه ( محطمه لأبعد درجه )
محتاجه مساعدتكم فأمانه لاتبخلون علي :/
ياطويلين العمر أنا متخرجه من قبل سنه ..
نسبتي بثالث ثانوي 98 فاصله حاجه لكن ناسيتها الحين ><
القدرات 74 والتحصيلي الزفت 68 ..
الموزونه كم حتكون ؟!
المهم أنا ماكنت أعرف ان الغير سعوديين يقدرون يدرسون بجامعات المملكه
عشان كذا السنه الي راحت رحت اليمن ودرست أول سنه هناك طب بشري ( مع العلم جنسيتي يمنيه )..
بس تفأجات ان صحباتي قدرو يدرسون هالسنه هنا وبجامعات حكوميه ..
أسألتي كثير وأهمها :
1/نسبتي الموزونه تدخلني جامعه الملك عبدالعزيز ولالا ؟
2/فيه تخصص هندسه ديكور أو جرافكس لغير السعوديين ولالا ؟
3/ باب التقديم تقفل واذا ايه متى يفتح ! والسفاره اليمنيه تقدم منح ولالا ؟
طلبتكم لاتردوني خايبه ..لان والله جداً ضايعه ومحتاجه أحد يفهمني الموضوع
وشكراً لكم من القلب <3 <3 .
|
وعليكم السلام ورحمة الله وبركاته
ياهلا بالعضوة الجديدة
له له له ،، ليش التحطيم ،،
القادم اجمل والدراسه مالها عمر
مادرستي هالسنه تقدري تدرسي السنه الجايه مو مشكلة ،، بس تفائلي خير والقادم بيكون اجمل : )
نجي الحين نرد عالأسئلة ^ـ*
اي تقدري تنقبلي في جامعة الملك عبدالعزيز
وعندك نوعين من المنح :
اما منحة داخلية من الجامعه نفسها ،، زينا احنا قدمنا من شعبان وعالترم الثاني بيجي قبولنا بإذن الله .
او منحة خارجية يعني من السفاره اليمنيه .. كل سنة بداية ياناير يبدأ التقديم لمنح السفاره
عن طريق موقعهم
http://www.yemen-casa.net
تابعيه وتابعينا دايم عشان تعرفي لم يبدأ التقديم
بالنسبة للتخصصات ،، كل التخصصات متاحة لنا ماعدا الطب وتبعاته من صيدله وعلاج طبيعي ووو.....
هندسة ديكور ما انفتح للطالبات
لكن فيه تصميم داخلي وهذا متاح
وسمعت انهم فتححوا الجرافيك من قبل العام بس ما ادري مندرج تحت اي كلية ، ومو مكتوب في الموقع
نجي للأهم من هذا كله ..
الا وهو النسبة الموزونه ،، نسبتك الثنوي ماشاء الله حلوة ودام جبتيها تقدري تجيبي درجات زيها في القدرات والتحصيلي لو اجتهدتي ،،
موزونك الان 84.8
والجامعه بكلا المنحتين غالباً يطلبون 90 ومافوق >ـ<
العام السفاره وصلت لل91 وماقبلوا ال90 حتى
في المقابل قبل العام منحة السفاره والجامعه قبلوا لل88
يعني غالباً حسب الدفعه .،.،
بس المُلاحظ ان النسبة صايرة زي خزانات النفط في تزايد مستمر وكل مالهم يرفعون
لهذا ،، انتِ قدمي الحين في ياناير على منحة السفاره ،، ماندري ربما تنزل النسب ،، لكن هذا احتمال ضعيف للأسف ،،
بس لو عندك قدره تدرسي برا جدة ( الطايف ، سعود ، نوره ، ام القرى )
تنزل النسب عندهم لل84 ،، الكشف حق قبول العام حق السفاره وصلوا لنسب واطيه لانه مافي زحمه عليهم زي عبدالعزيز ،، شوفي الكشف في موقع الملحقية الي فوق ،
وشيئ آخر وهذه نصيحة من كل قلبي ،،
انك تستعدي وتجتهدي وتعيدي القدرات والتحصيلي ،، معك فرصه ووقت طوييل وتقدري تنجزي ،
اعتقد شهر 1 في اختبار قدرات ، استعدي له من الحج ،،
وانا هنا مستعده اساعدك بكل شيئ تحتاجيه للمذاكره من كتب ومراجع ونماذج اسئلة ،
لانك ماتضمني كيف وضعهم بيكون ، كل مالهم يعقدونه
ما ابغى احطمك بس هالواقع ،،
لازم نتفائل بالاحسن ، لكن نخطط للأسوأ .
تحركي وابدي واحنا معك ،، ومافي داعي للتحطيم
وراح تنجزي وتشوفي كل شيئ يتعدل ويصير زين
،،
صحيح في شيئ كمان ،، لو عدتي القدرات في محرم وجبتي درجة عاليه ورفعت موزونك ، وتكوني قدمتِ في السفاره بدرجتك القديمه ، تقدري تحدثي درجاتك في موقع السفاره وبيحدثوها عندهم ويعدلوا موزونك ، لانه اصلاً القبول حق السفاره مايطلع بدري ،، الي قدموا من ياناير الماضي طلعوا اسماء المقبولين في مارس ،، بس للآن ما جات معاملاتهم من الوزاره عشان يداومون ،
الخلاصه انك عيدي القدرات وقدمي عالسفاره ولم تطلع درجاتك حدثيها ،
الاختبار في واحد في محرم واعتقد في ثاني في ربيع ،، يعني فيكِ ترفعي درجاتك وتحدثيها ،
العام انا عملت نفس الحركة ، موزوني كان 89 وقدمت عالسفاره ، وفي ربيع اختبرت وموزوني صار 90.84 وحدثت ،، بس للأسف قبلوا لل91 عشان كذا ما انقبلت ،
المهم اعملي الي عليكِ ،، وربي مابيضيع لك تعب
وانا معك : )
اتمنى اني افدتك
موووووفقه : )