بعد انقطاع دام شهرين الحين برجعع ارد على احد واحس اني مفيدة خخخ
-
السلام عليكم ورحمه الله وبركاته
كيفكم ي جماعه الخير
أنا عضوه جديده وأقل كلمه ممكن توصف حالتي أني أنسانه ( محطمه لأبعد درجه )
محتاجه مساعدتكم فأمانه لاتبخلون علي :/
ياطويلين العمر أنا متخرجه من قبل سنه ..
نسبتي بثالث ثانوي 98 فاصله حاجه لكن ناسيتها الحين ><
القدرات 74 والتحصيلي الزفت 68 ..
الموزونه كم حتكون ؟!
المهم أنا ماكنت أعرف ان الغير سعوديين يقدرون يدرسون بجامعات المملكه
عشان كذا السنه الي راحت رحت اليمن ودرست أول سنه هناك طب بشري ( مع العلم جنسيتي يمنيه )..
بس تفأجات ان صحباتي قدرو يدرسون هالسنه هنا وبجامعات حكوميه ..
أسألتي كثير وأهمها :
1/نسبتي الموزونه تدخلني جامعه الملك عبدالعزيز ولالا ؟
2/فيه تخصص هندسه ديكور أو جرافكس لغير السعوديين ولالا ؟
3/ باب التقديم تقفل واذا ايه متى يفتح ! والسفاره اليمنيه تقدم منح ولالا ؟
طلبتكم لاتردوني خايبه ..لان والله جداً ضايعه ومحتاجه أحد يفهمني الموضوع
وشكراً لكم من القلب <3 <3 .
|
وعليكم السلام رحمة الله وبركاته
احنا تمام الحمد لله
ليه التحطيم حبيبتي خلي عندك شوية امل وتفاؤل وان شاء الله مايصير الا اللي تبغيه
ماشاء الله لو كملتي هناك طب اافضلك لانه هنا ما يقبلو طب لغير السعوديين
نسبتي الموزونه تدخلني جامعه الملك عبدالعزيز ولالا ؟
موزونك حسب جامعة الملك عبد العزيز 84.80 ما اقدر اقولك ماراح يقبلوكي
لانهم كل سنة لهم كلام .السنة اللي فاتت قبلو من 90 وفوق واللي قبلها نزلو ل 88
بس لو تعيدي قدرات وترفعي موزونك وتقدمي يكون افضل
-------------------------
/فيه تخصص هندسه ديكور أو جرافكس لغير السعوديين ولالا ؟
انا سالت اختي قالتلي هندسة ديكور مافي بس تصميم ديكور فيه وان شاء اللله يجو البنات ويفيدوكي اكثر بخصوص هذا التخصص
-----------------------------------
باب التقديم تقفل واذا ايه متى يفتح ! والسفاره اليمنيه تقدم منح ولالا ؟؟
التقديم لجامعة عبد العزيز الحين تقفل ويفتح على رجب ..
وبالنسبة للسفارة تقدم منح والتقديم يفتح ف يناير وقبول السفارة برضه كان اول ما يعتمد ع الموزون بس الحين صارو يعتمدو ع الموزون وكل جامعة يطلبو موزون يعني حسب الجامعة اللي تقدميلها
-----------------
انتي الحين مارح تقدري تقدمي لا ف سفارة ولا ف جامعة لانه التقديم مقفل بس لو تتستعدي للقدرات وتعيدي وتقدمي
------
ان شاء الله تستفيدي ولو شي بسيط من الكلام اللي كتبته
وتابعينا هنا اول باول وان شاء الله مارح يفوتك شي
واي سؤال احنا حااضرين
