[شجرة التوت]

السلام عليكم ورحمه الله وبركاته


اليوم رحت الجامعه الصباح وكنت متحمسه اكتبلكم من الصباح بس مارضي يفتح المنتدى

المهم اولا /سألت عن ماده البحث والتدريب والله يجزاها خير استاذه عبير كانت تجاوب ع كل الاسئله مع زحمه البنات

قالت ماده البحث ماتنضاف من الاودس لازم تجين الجامعه تضيفينها واسماء الاساتذه قالت حتنزل اليوم بعد العشاء ع الاودس

وكمان الماده الحره لازم من الجامعه وطبعا المواد الحره مواد اختياريه للاقسام الاخرى بنفس الكليه

سالتها عن حكومه الكترونيه لان شفت كثير من البنات يسالون عنها قالت ماانفتحت شعب هذا الترم

وكمان قالت المواد اللي تطلعلك في الجدول سبت واثنين وربوع او احد وثلوث زي الايام القديمه هذي دوامها حيكون من 1/17
والمواد اللي دوامها بس ربوع او ربوع وخميس هذي سنترا تبدا من الاربعاء 11/3

وبالنسبه للمتخرجات مو لازم تودين اوراقك من اليوم لان مره ماقبلو الاوراق اليوم قالت عندك الين الحج بس الغريب ماقبلوها اليوم حتى سالت البنات مااخذو ولا من وحده


وبالنسبه لماده بحوث عمليات في بنات مارضيت تنضاف عندهم قالت في مشكله في نفس البرنامج لان حتى من الجامعه مارضيت تنزل


وهذا اللي صار كله معايا اليوم اتمنى اني جاوبت عن اغلب اسئلة البنات اللي كانو محتارين زيّ بالذات في ماده البحث

اسال الله التوفيق لي ولكم