رد: تجمع مآدة النقد الادبي Lane 446 ..الفصل الاول 2013
وعليكم السلام ورحمة الله وبركاتة
حياكم الله جميعاً عزيزاتي
صموتة جزاك الله خير على فتح هذا التجمع
انا رورو انا طالبة منتظمه وحسب علمي وبناء على معرفتي بمنهج صديقاتي في الانتظام كان جدا دسم وعندهم كتب اضافيه يدرسوها لكن احنا المقرر لنا فقط كتاب واحد
المنهج صحيح دسم شوي بس مو صعب
يحتاج تركيز وانتوا تقروه وابدوا فيه من بدري وبحول الله بيكون سهل
المشكله ان الدكتوره تغيرت فمااقدر انصحكم بشي تركزوا عليه
اخذته مع مس سهام فطاني وكان تركيزها الاكبر على المدارس النقدية وهي تقريباً 10
ومقتطفات من باقي الفصول
بداية انصحكم تقروا القلوسري هو مفتاح فهمكم للمصطلحات الجديدة الي بتمر عليكم اثناء قراءة المنهج
فما بيضركم معرفتها قبل البدء في قراءة المنهج
وبعدها امشوا بالترتيب في الكتاب
ترى الي مدسم الكتاب الامثله وهي مااتوقع تطلب منكم كلها لان تقدروا تفهموها وتكتبوها باسلوبكم مو شرط حفظ
وفيه نقاط كثيره مُعاده في اكثر من فصل وبعض الدروس بتلقوها امور سبق ودرستوها في الادب الي تخص العناصر وخلافه
انتوا شدوا حيلكم واهم شي لاتحطوا في بالكم انها صعبه ابداً وصدقوني بتسهل عليكم بحول الله :)
وفقكم الله ويسر امركم
|