[حيــــــاة]

المشاركة الأصلية كتبت بواسطة خيرية تيجاني طيب يعني اقدر اقدم من جديد انتظام وانا لسه م سحبت اوراقي انتساب عشان اخاف م انقبل علما اني طالبة غير سعوديه وبعدين وين اقدم بالزبط ووين ومتى \واش من اوراق بالزبط مطلوبه مني معليش تعبتك معايا ابي افهم زين لاني مرره ماني فاهمه

المشاركة الأصلية كتبت بواسطة خيرية تيجاني كيف يعني ارفع اوراقي ترى انا مرره ماني فاهمه شي فهميني حبه حبه دحين انا انتساب وغير سعوديه يمديني اقدم انتظام من طريق العماده حقت الرجال من غير م اسحب اوراقي الانتساب عشان اذا م قبلوني انتظام اكمممل انتساب واذا في تقديم جد وين اروح بالزبط واش من اوراق اوديها بليز سااعدنيني لاني ب مررره كارهه التخصصات حقت المسار الادبي

اهلين عزيزتي
اعتذر عن التأخير في الرد >ـ<

الي فهمته من كلامك انك انتساب ،، وماقدمتي عالانتظام من شعبان صح ؟؟
عادي تقدري تقدمي انتظام حتى لو مانفع هالسنه ينفع السنه الجايه وانتِ ما انسحبتي من الانتساب
تسجيل الانتظام والانتساب مايتعارض
وحدة من البنات كانت انتساب وقدمت عالانتظام ولم جاها القبول في الانتظام انسحبت من الانتساب بعد مادرست ترم ونص ، فلا تقلقي من هالناحية .

زي ماخبرتيني من قبل اعتقد موزونك ماشاء الله 93
فإنتِ بتنقبلي بالراحة ./
بس للأسف الحين ماعاد في تسجيل خلاص .، احنا قدمنا من شعبان وقبولنا لسى بيجي عالترم الثاني
بس ممكن تخلي احد يراجع لك عمادة الرجال ويتأكد ممكن يقبلوا اوراقك ويرفعوها
خليه يروح وياخذ صورة من شهادة الثنوي وصورة من الهوية واطبعي درجات القدرات والتحصيلي .،
يروح العمادة ولو بيقابل العميد الدكتور امين نعمان او مدير القبول عبدالرحمن اليوبي يكون افضل
ويشرح لهم وضعك وانه موزونك عالي بس بافتك التقديم .، ويارب يمشي تسجيلك .،
واذا مانفع مافي الا تنتظرين لشعبان بإذن الله وتقدمين لم يفتح التسجيل .

اتمنى اني افدتك
واي سؤال انا حاضرة
وخبرينا بالي يصير معك
موفقه : )