رد: صحيفة شمس ترحب بأراءكم ومقترحاتكم
عندي نقطه فقط حبيت اظيفها لك يا محررنا الغالي
هي نقطه حساسه وبكل صراحه اخجل اني اتحدث فيها قدام الملاء
لإنه فيه ناس من الخليج والعرب هنا وماودنا يضحكون على ديرتنا دار ابو متعب
بس بكون صريح وماراح اخجل الشكوى لله وبقولها مالنا الا الله ثم انت نفش خلقنا لك
انا ياطويل العمر احب شي اسمه هندسه حاسب الي
لكن للاسف كان معدلي اقل من الطلوب :( 91٪ والجامعه تبي 96٪ وبكل صراحه مالقيت واسطه المهم اخطأت خطأ العمر ودخلت دبلوم حاسب الي بكلية الاتصالات وتخرجت بتقدير ممتاز الحمد لله وهذا بفضل من الله
مالك بالطويلة توظفت في احد الشركات بـ اسم مبرمج حاسب الي براتب 5000 وبعدها بسنة توظف معنا واحد ثاني مهندس حاسب الي من جامعه الملك سعود وكنت انا اللي ادربه لإنه للاسف ماكان يعرف شي اسمه Oracle وهي اشهر شركة بقواعد البيانات المهم دربته شهرين وتم ترسيمه راتبه 9800 في اول الترسيم :( علماً اني انا اللي مدربه واكفء منه واخذت على الشركة سنتين متتالية شهادات شكر للمجهود اللي بذلته لكن وش ابي بالشهادات :( مافيه بنك يصرفها لي ياخي ابي اتزوج 5000 وش تسوي لي وانا سيارتي يالله من الشكوى لك !!!!!
قررت ادرس بعد هالشيء واكمل بكلوريس للاسف كل الجامعات مسكره ابوابها بحجة غريبة من نوعها وهي شهادة الثانوية العامة لها اكثر من ثلاث سنوات !!!!!!!!!!!!!!!
طيب ياناس ياعالم انا بدرس حاسب الي ونص او اكثر من نص المواد اللي بتدرسوني اياها انا دارسها شلون .. تبوني ارجع من الصفر ؟؟
يقول لك ايه مانعادل لك شي امسك الباب
ويوم بدأت بعثات خادم الحرمين الشرفين يطول بعمره واراسل الجامعات البريطانية كلهم يعادلون لي سنة وشوي تخيل !!
يعني لو كانوا يدرسون عربي واسلاميه كان يمكن يعادلون لي الثلاث سنوات كلها
قسم بالله شي يحر القلب ويفقع المراره وش ذنبنا حنا اللي درسنا بجامعات سعودية والجامعات السعودية الثانية ماتعترف بمنهجها ؟؟؟
دخلت على محافظ التعليم الفني والتدريب المهني الدكتور علي الغفيص وبكل برود قال انسى انك تكمل هنا بالسعودية الا عن طريق كلية التقنية بالرياض ونبي معدل فوق 4 ونص من 5 والعدد محدود
ولما قدمت طلع شرط جديد يقول لازم تكون متفرغ ؟؟؟؟؟
والله ياجماعة الخير ما اقدر افرغ نفسي انا موظف ولي مكانتي الحين بالعمل شلون اطلع وانا خبره الان اكثر من 4 سنوات والقريد عالي ؟؟؟؟
حرام تظيع هذي كلها وانا ملزوم الان في مصاريف وقرض وحالتي حاله
هذي والله معانات كثير من الاخوان في الكليات التقنية ومستعد لو وضعت هذا الموضوع في حلقات واضفت موضوع مصغر لهذه المشكلة اجيب لك دلائل كثيره واجيب لك اصوات لاتتخيلها ابداً
ولي كثير من الزملاء يدرسون في بريطانيا الان معادله لهم اكثر من سنة
وانا للاسف هنا في بلدي لم يتم قبول شهادات المعادله ابداً ولا يتم النظر فيها بالاصل
|