ياحبيبتي انا أقلك قصصتي
ياستي انا دخلت تحضيري علمي وكان في بالي طب وبس
وكانت درجاتي مره نازله وكنت كل مره أحاول واطمح أجيب درجه عاليه والله العظيم ماكان استهانه مني كنت أذكار بذمه بس درجاتي ماكانت توصل العشرين مره تعبني هاذا الشي بس كنت اقول لا ياروان حتقدري وكثير قالولي حولي مدام مانتي قادره تجيبي درجات عاليه انا ما سمعت الكلام ولمن قبل الاختبارالنهائي من التحضيري حسيت انو قدراتي ما تسمح أني اكون في العلمي وانو الي أحبو شي وقدراتي حاجه ثانيه ماعرفت افرق بينهم هي دي غلطتي
بعد الاختبارات سحبت ورجعت سجلت ثاني مسار اداري والحمد الله مره مرتاحه ومره مبسوطه وحسيت أني قادره عليه مااكذب عليكي انا لمن دحيين نفسي طب لمن أشوف بنات الطب والله اقعد ابكي اكتر من مره اسسويها
بس كمان ارجع اقول لنفسي قدراتي مؤ علمي و طب
انا ابغاكي تعرفي نفسك وتفكر مو بس في الي تقدري عليه لا فكري في حاجه عشان تبدعي فيها وهاذي اهم نقطه
سنه راحت مني بس اتعلمت فيها اهم درس في حياتي والحمد الله راضيه وأبدا مؤ ندمانه
وانتي عندك ترم جربي فيه نفسك وكوني صادقه مع نفسك انا ايش احب ايش اقدر اسوي
وقبل كل دا خلي عندك نظره لكل التخصصات الي ممكن تستهويكي وحتى التخصصات الجديدة اقري عنها خدي فكره وبعدين التخصصات الي تحسينها قريبه من قلبك شوفي واسألي نفسك انا اقدر عليه !! انا حبدع في دا المجال خلي عندك خلفيه كامله عن التخصصات شوفي موادهم شوفي كل حاجه أدق الامور لانو هادا هو المستقبل
وحطي في بالك لو وحده حولت من مسارها مؤ يعني فاشله ولاتقعد في حاجه ماهي قادره تبدع فيهاا
انا ماني قاعده أحطمك وأقلك استسلمي بس أبغاكي تفرقي بين الي تحبيه والي تقدري عليه
الحب موكل شي لازم يكون معاها القدره عشان تنجحي في مجالك
والله يوفقكم كلكم يارب وينور بصيرتكم ويرضيكم بكل ماهو مكتوب لكم
سامحني على الكلام الكثير بس حبيت أقلك الي مريت فيها وان شااءالله كلامي يفيدك
