[حأقعد عالكاشير]

السلاااااااام عليكم ياجماااعه

حبيت اقولكم انو الحين بجده في مهرجان للايتام
يعني ريعه لايتام الطايف

الدخول للكبار ب15 ريال( ونقصد بالكبارالحريمااات فقط دون الرجاااااال)
والصغار ب10 (ونقصد بالصغار كل الاطفال الورعان والورعانات الى سن 9 سنين)

طبعا في العاب واركان وعروض رياضيه
واكل <<وهذا اهم شي

حيكون يوم الاربعاء والخميس والجمعه
طبعا عدى الاربعاء<<احلفي^^
وباقي الخميس والجمعه
يبدا من الساعه 4 العصر الين 10 الليل وبعدين يقفل المحل

اتمنى تشروفونا ونشوفكم ياحلوووين

ايوا صح نسيت العنوان
عند دوار السفينه الكبيره في التحليه حتشوفي من عند الدوار سور كبير برتقالي عليه اعلاام وباينه الالعاب فيه

او اذا ماناسبك الوصف الاول

تروحي عند الروشان مول وبعده يمين في يمين وتلاقي نفسك قدام المكان

تراهم مسوين المهرجان في ملعب الكعكي للي يعرفوا يروح هناك على طول ويكون في المهرجان


ان شاء الله مااكون نسيت شي

وعشان لاتحسوا اني خدعتكم ترى كل شي جوا بفلووووس مو ببلاش :)
لان زي ماقلتلكم كل شي حيروح للايتام


وسلااااااااام