[M7mmd.Y]

وياك أخي، ربي يسعدك

مافيها احداثيات الرسمة، في اي مكان تبغاه في الورق البياني حط نقطة، خليها نقطة كبيرة شوية

من عندها حط المنقلة عليها بالضبط وعند زاوية 25 سوي نقطة،

دحين جيب المسطرة وارسم خط طوله 9.8 يمر بهذي النقطة، الـ 9.8 هذي جات من الـ F1، شوف عندك في الحسابات

* ( F1 = m1g = 0.98 ) كذا مكتوبة في التقرير بالضبط *

رح تلاقي في البداية ان F1 تساوي 0.98 ولكن هنا عشان تكبر الرسم ضربت كل شيء في 10

فترسم من النقطة الأولى اللي انت اخترت مكانها خط طوله 9.8 في على زاوية 25 زي ما قلتلك فوق

دحين من النقطة الثانية حط المنقلة مرة ثانية، وسوي نقطة عند زاوية 115

ووصل خط طوله 14.7 (=نفس الشي اصلها F2 اللي هي 1.47 لكن مضروبة في 10)

دحين خلاص ارسم الضلع الاخير والمثلث انتهى،

شيء اخير لا تنساه الضلع الاخير اللي رسمته، جنبه سوي زي ماهو مكتوب فوق، اقسمه على 10 بعد ما تشوف طوله

واكتب جنبه كم الناتج عشان المُصحح يعرف الطول الاصلي،

واكتب الزوايا من محور اكس الموجب، زي الرسمة فوق ( 25 و 115 والزاوية الثالثة اعتقد 261 )

لا تنسى تكتب عنوان الرسم فوق اللي هو ( إيجاد المحصلة بيانيا )

،،

اسأل الله لك التوفيق ،،،