[طموحة بجنون]

المشاركة الأصلية كتبت بواسطة ديمه البخاري السلام عليكم متى استخدم but ؟ اش فرق بين they وthem ؟ومتى استخدمهم ؟ اش معناها متى استخدمه him ؟ وش فرق بين so وbecause؟ وشكرااا وجزاكي الله خير

وعليكم السلام ورحمة الله وبركاته
تستخدمي but لتربطي بين شيئين متناقضين، أحيانا تجي الجملة الأولى مثبته والثانية بتكون منفيه
مثل I like reading but my sister do not like reading
هنا انا قلت أنا احب القراءة لكن اختي ماتحب القراءة ربطت بين شيئين متناقضين ولو لاحظتي الجملة الثانية منفية بس أحيانا ماتجي الجملة منفيه لكن من المعنى يتضح لك أنهم متناقضتين
مثل It was big house but it was too expensive
فهنا قلت البيت كبير لكن غالي جدا
فهذا استخدام but
أما they , them
they تجي فاعل أما them تجي مفعول به
مثلا sara and asma like playing football
هذه اول جملة مثلا جيت اتكلم عن سارة واسماء فبدأت بهالجملة وحابه اكمل كلام عنهم بس من دون مااجلس اكرر اسماءهن حقول
also they like playing tennis
فقلت هنا كمان يحبين يلعبين تنس
فجاء هنا فاعل they يسموه من ضمائر الفاعل
أما them حقول
my friend deena has tow children . everyday she arrive them to school.
هنا قلت صديقتي دينا عندها طفلين كل يوم توصلهم المدرسة هنا جات مفعول به them ومااقدر استخدم they لانه ماينفع موقعها في الجملة
أما him نفس الشيء من ضمائر المفعول به
مثلا did you see Ali?
yes, I saw him last night
فهنا سألت هل شفت علي
قال نعم شفته أمش
him يقولوا لها الهاء الملحقة بالمذكر بس انتي لا تلخبطي نفسك بالمسميات العربي افهمي في جمل أهم شيء موقعها في الجملة مفعول به وتستخدم للمذكر
ونفس الشيء her
did you see sars ?
yes, i saw her last night
فاستخدمت هنا her لأنه تستخدم للمؤنث
وthey , them للجمع مذكر أو مؤنث

أما so, because
فالفرق بينهم سهل
so معناها لذلك أما because معناها لأنه يعني اذكر السبب بعد مااحطها وهالكلمات مع but , and يسموها أدوات ربط
مثال على so
I was tired , so I went to bed
هنا قلت انا كنت تعبانة لذلك رحت للسرير
"ترجمتي هنا تحفة " المهم تجي so زي اللي تظهر لك النتيجة انا تعبانة إذا انا حروح ارتاح فهذا نتيجة
أما because يظهر لك السبب مش النتيجة
I did not buy anything because i did not have money
أنا مااشتريت شيء لأنه مامعي فلوس
وتعرفي فيه فرق يريحك لو ماقدرتي واتلخبطتي شوفي الجملة ولو فيه فاصلة بين الجملتين اختاري so وإذا مافيه فاصلة اختاري because
لأنه مع so لازم نحط فاصلة عند نهاية الجملة الأولى أما becauseمانحط فاصلة
بس هو الفرق واضح بينهم واحده تظهر النتيجة والثانية عن السبب

أتمنى يكون شرحي واضح وإذا فيه شيء ثاني أسألي عنه وإذا فيه في شرحي شيء غامض قولي لي
أنا تمنيت لو كان معي الكتاب علشان اشوف القاعدة خاصة حق الضمائر واشرحها لكم كامل بس للأسف ماعندي لو تقدروا تصوروا القاعدة وتحطوها هنا ممكن اوضحها لكم أكثر إذا هالشرح ماكان واضح لكم والله يوفقك ويوفقكم جميعا أهم شيء تدخلوا الاختبار وانتوا هاديين ولا تتوتروا لانه التوتر بيضر أكثر ماينفع