[manolh]

السلام عليكم ورحمة الله وبركاته ..

على نصف الترم اتفقو طالبات انتساب ع تجمع امام مكتب العميده ...
وفعلا حضرو فوق 150 طالبه ... وقفو ساعه امام مكتبها مااحد طلع لهم ..

بعدها طلبو من الامن الاتصال ع عميد الجامعه .. وافق ع مقابلتهم ... وارسلهم لقاعة المؤتمرات

حضرو اثنين من الوكلاء .. وكانو سابقين البنات بالحضور !

قالو ايش مطالبكم ...

دخلت العميده وقتها مع 7 من الوكيلات وطلبو من الوكلاء انهم يروحون وهم بيحلون المشكله

رفضو الطالبات .. وقالو ماراح نتكلم الا مع الوكلاء ..

طالبو بإرجاع السنترا لهم " لانهم كانو بيلغونها وبيحطون بدالها مناقشات ...

وطالبو بإعتماد الشهادة وقالو احنا ننظر في هذا الموضوع

وكتبت كل بنت اسمها وسلموها للامن مع مطالبهم ...

وقبل يومين اتصلو ع كل بنت واعفوهم من الرسوم !


هذا انا اعرفه من صاحبتي اللي كانت مساهمة في المظاهره ...

احنا اقل مطالبنا اللي هي اعتماد الشهادة ماعطونا اياها !!
وفوقها رسوم ولما نطلب اعفاء استني يجيك مايجيك بكيفهم !

لان احنا راضين بوضعنا ماراح يتحرك شيء ...

انا وجهت سؤال اعتماد الشهاده لدكتورة تدرسنا ,,, تلعثمت بعدها قالت مااقدر افتيك روحي للعمادة شوفي ايش يقولون لك !

احنا زينا زي الانتظام ..غير كذا واجبات اكثر ... نفسي افهم فين الفرق .!

اخاف من الحين الين نتخرج مافي جديد .. واخرتها شهادة غير مقبوله بأي مكان ..!