السلام عليكم و رحمة الله و بركاته
كيف حال الجميع ؟ و كيف اختباراتكم ؟ إن شاء الله تمام
ما عرفت أفضفض لمين و استشير مين فـ فلت مالي بعد الله إلا انتوا
أول شيء حابة أقوله إنو الموضوع طويل + عبارة عن مشكلة تواجهني فـ أعيد و أكرر : اللي ماعنده وقت لا يقرأ رجاءً .. مابضيع أوقاتكم
أدرس تحضيري علمي خطة أ ..
من بداية الترم كنت مخططة إني أذاكر أول بأول و أشد حيلي عشان أرتاح وقت الاختبارات
و تصير مذاكرتي للاختبار شبيهة بالمراجعة ..
لكن للأسف حصلت لي مشاكل و ظروف خاصة .. و ما خف الوضع إلا و كانت الاختبارات الدورية الأولى على الباب !
الفيزياء : كانت جزئيته سهلة و بسيطة قدرت أذاكره و لله الحمد و جبت درجة حلوة .
الرياضيات : ما أعرف ليش جاني تبلد و تشتت ماني عارفة ايش أذاكر و من فين أذاكر
و صارت حالتي حالة ولا قدرت أفهم شيء و جبت درجة سيئة (16)
الحاسب : مادتي المفضلة جبت فيها درجة حلوة الحمدلله
و من بعد الدوري الأول صرت محتارة ألحق نفسي في الرياضيات ولا أركز في الباقي !
الدوري الثاني جاني الانقلش + مهارات الاتصال
و كانت النتيجة
الفيزياء : ذاكرت بس والله بدون نفس كإني أقرأه و ما أعرف ليش !
حسيته صعب ! صعب ! والله يستر من النتيجة
الحاسب : زي ما قلت مادتي المفضلة و إن شاء الله الدرجة حلوة
الانقلش : برضو إحدى المواد المفضلة و جبت فيها درجة حلوة الحمدلله
مهارات الاتصال : مادة حبيتها كـ مادة مفيدة في الحياة لكن كـ مذاكرة قرأتها بتركيز و أحس إني حليت كويس بس خبصت كثير (ما أدري كيف تجي) الله يستر من النتيجة !
الرياضيات (الاختبار يوم السبت) : ولازال معقدني ما أعرف ايش أذاكر .. يعني أعرف الجزئية اللي معانا بس ما أعرف أذاكر من الملخص و خلاص ؟ (عندي ملخصات السعدي )
يمديني أخلصه خلال يومين ؟؟
أحس إني ضايعة و ماني عارفة ايش أسوي ؟
و كيف أقضي على التبلد الفضيع اللي يجيني وقت المذاكرة ؟
كيف ألحق حالي في الرياضيات و الفيزياء و مهارات الاتصال ؟
أقدر أجيب في المواد ذي -بإذن الله - درجات كاملة في النهائي ؟
إن شاء الله بإذن الله الترم الثاني حتكون عندي ثلاث مواد بس فـ رح أشد حيلي فيها
و أحرص إني أجيب درجات كاملة .. حأبذل كل جهدي عشان أحقق مرادي
فـ ياريت تساعدوني حتى لو ترفعوا من معنوياتي شوي .. مرره محطمة و أخاف ما أدخل اللي أبغاه
حلمي هو دخول كلية الحاسبات
ربي يسعد و يوفق كل من يساعدني أو حتى يدعيلي دنيا و آخرة ق1