[بنت كووول]

السلام عليكم
يابنات انا كلمت الدكتوره قالتلي انو التسليم راح يكون من 1 لين 8 صفر ولسه ماحددت موعد المناقشه
الشي الثاني الدكتوره طالبه تقرير + عرض باور بوينت في العرض تكتبي الاشياء المهمه اللي في تقريرك يكون بسيط يعني مايكون نفس الكلام اللي كتبتيه في الورق تحطيه في الباور مره لا.
الشي الثاني انو التقرير يكون ابيض واسود فقط بدون الوان ولا صور نهائيا .
كمان الكتوره تركز مرره على عنوان التقرير ولا يحتوي عنوان التقرير على متغيرين وتوضح المشكله من العنوان
نجي في كيفيه كتابه التقرير :
1/ العنوان زي ماقولت
2/نبذه عن المكان اللي اتدربتي فيه تكتبي نشاطهم اهدافهم
3/بعدين مقدمه بسيطه توضحي المشكله بشكل مختصر
4/ تدخلي في الموضوع واتفلسفي خخخخخ
5/ تحطي الحلول 3 على الاقل واول واحد هوا اللي انتي تايديه ولازم ترجعي للملزمه حقت كيف تكتبي تقرير فعال عشان في كلمات لازم تبعدي عنها وما تكتبيها
وبس والله اعلم دا اللي فاكرتو وجاي على بالي ايش شي تاني او توضيح انا جاهزه والله يوفقنا ويسهل امورنا